2012 جىلدىڭ 1 اقپانداعى قر "ۇلتتىق ەل -اۋقات قورى تۋرالى" زاڭىندا 6-1-باپ ("قوردى باسقارۋ جٶنٸندەگٸ كەڭەس") الىپ تاستالسىن", - دەلٸنگەن قۇجاتتا.
قازاقستاننىڭ بۇرىنعى پرەزيدەنتٸ نۇرسۇلتان نازارباەۆ باسقارعان كەڭەس كونسۋلتاتيۆتٸك-كەڭەسشٸ ورگان بولعان. ونىڭ مٸندەتٸ قور قىزمەتٸنٸڭ بەسەكەگە قابٸلەتتٸلٸگٸ مەن تيٸمدٸلٸگٸن ارتتىرۋ بولدى. شىندىعىندا نازارباەۆتىڭ كونسۋلتاتيۆتٸك-كەڭەسشٸ ورگانى اربانىڭ بەسٸنشٸ دٶڭگەلەگٸ سەكٸلدٸ رول اتقارعانى جاسىرىن ەمەس.
ەندٸ "سامۇرىق-قازىنا" قورى اتامىزدىڭ قاس-قاباعىنا قاراماي جۇمىسىن جٷرگٸزۋ مٷمكٸندٸگٸنە يە بولادى.
وسىلايشا پرەزيدەنت توقاەۆ ماڭىزدى قۇجاتقا قول قويىپ, "سامۇرىق-قازىنا" قورىن نازارباەۆتىڭ كونسۋلتاتيۆتٸك-كەڭەسشٸ ورگانىنان قۇتاقاردى. ەندٸ قوردىڭ جۇمىسىنا اتامىز تۇمسىعىن تىعا المايدى.
بۇعان دەيٸن نازارباەۆتىڭ سوڭعى لاۋازىمى جويىلعانى حابارلانعان ەدٸ.
ەسكە سالايىق, ٶتكەن جىلى پارلامەنت قازاقستاننىڭ “تۇڭعىش پرەزيدەنتٸ – ەلباسى تۋرالى” زاڭنىڭ جويىلۋىنا بايلانىستى داۋىس بەرگەن بولاتىن. وسىدان كەيٸن دەپۋتاتتار ەكس-پرەزيدەنتتٸ بارلىق ٶكٸلەتتٸكتەرٸ مەن مەرتەبەلەرٸنەن ايىرا باستادى.
