2012 жылдың 1 ақпандағы ҚР "Ұлттық әл -ауқат қоры туралы" Заңында 6-1-бап ("қорды басқару жөніндегі кеңес") алып тасталсын", - делінген құжатта.
Қазақстанның бұрынғы президенті Нұрсұлтан Назарбаев басқарған Кеңес консультативтік-кеңесші орган болған. Оның міндеті Қор қызметінің бәсекеге қабілеттілігі мен тиімділігін арттыру болды. Шындығында Назарбаевтың консультативтік-кеңесші органы арбаның бесінші дөңгелегі секілді роль атқарғаны жасырын емес.
Енді "Самұрық-Қазына" қоры атамыздың қас-қабағына қарамай жұмысын жүргізу мүмкіндігіне ие болады.
Осылайша Президент Тоқаев маңызды құжатқа қол қойып, "Самұрық-Қазына" қорын Назарбаевтың консультативтік-кеңесші органынан құтақарды. Енді қордың жұмысына атамыз тұмсығын тыға алмайды.
Бұған дейін Назарбаевтың соңғы лауазымы жойылғаны хабарланған еді.
Еске салайық, өткен жылы парламент Қазақстанның “Тұңғыш Президенті – Елбасы туралы” заңның жойылуына байланысты дауыс берген болатын. Осыдан кейін депутаттар экс-президентті барлық өкілеттіктері мен мәртебелерінен айыра бастады.
