مەملەكەت باسشىسى مۇناي-گاز سالاسىنىڭ قىزمەتكەرلەرٸن كەسٸبي مەرەكەسٸمەن قۇتتىقتادى, دەپ حابارلايدى Dalanews.kz.
اقوردادا ٶتكەن سالتاناتتى جيىندا پرەزيدەنت قاسىم-جومارت توقاەۆ مۇناي-گاز كەشەنٸ ەل ەكونوميكاسىنىڭ اسا ماڭىزدى سالاسى ەكەنٸن اتاپ ٶتتٸ.
– سٸزدەر وسى سالادا ادال ەڭبەك ەتٸپ, مەملەكەتٸمٸزدٸڭ دامۋىنا مول ٷلەس قوسىپ كەلەسٸزدەر. بۇل ناعىز ەڭبەك ادامدارىنا تەن قاسيەت دەپ سانايمىن. جالپى, ەلٸمٸزدەگٸ مۇناي-گاز ٶنەركەسٸبٸنٸڭ ٶزٸندٸك دەستٷرٸ, باي تاريحى بار. وسى سالانىڭ قالىپتاسىپ, ٶركەندەۋٸنە بٸرنەشە بۋىن ٶكٸلدەرٸ زور ەڭبەك سٸڭٸردٸ. سٸزدەردٸ اعا بۋىننىڭ لايىقتى ٸزباسارى دەۋگە بولادى. قازٸر مۇناي-گاز سالاسىندا ەكٸ جٷز مىڭنان استام ادام جۇمىس ٸستەيدٸ. سٸزدەردٸڭ تاباندى ەڭبەكتەرٸڭٸزدٸڭ ارقاسىندا قازاقستانىمىز ٶركەندەپ, كٶركەيٸپ كەلەدٸ. مەن مۇنى جوعارى باعالايمىن. بەرٸڭٸزگە شىنايى ريزاشىلىعىمدى بٸلدٸرەمٸن, – دەدٸ قاسىم-جومارت توقاەۆ.پرەزيدەنت بىلتىر قازاق مۇنايىنىڭ 125 جىلدىعى اتالىپ ٶتكەنٸن ەسكە سالىپ, بيىل دا وسى سالا ٷشٸن ايتۋلى جىل ەكەنٸنە توقتالدى.
– اتىراۋ مۇناي ٶڭدەۋ زاۋىتىنىڭ اشىلعانىنا 80 جىل تولدى. شىمكەنت مۇناي ٶڭدەۋ زاۋىتىنا 40 جىل, ال «QazaqGaz» ۇلتتىق كومپانيياسىنا 25 جىل تولىپ وتىر. بۇل مەرەكەلٸك كٷندەر ەلٸمٸزدٸڭ مۇناي-گاز سالاسىنىڭ مەن-ماڭىزىن كٶرسەتەدٸ. مۇناي مەن گاز – ستراتەگييالىق ماڭىزى بار رەسۋرس, بۇل – جۇرتشىلىققا بەلگٸلٸ دەرەك. سەبەبٸ بۇل سالا ەلٸمٸزدٸڭ ٶسٸپ-ٶركەندەۋٸنە ايرىقشا ىقپال ەتتٸ. تەۋەلسٸزدٸك جىلدارى قارا التىننىڭ يگٸلٸگٸن مولىنان كٶردٸك. قازٸرگٸ تاڭدا بۇل سالا قارقىندى دامىپ كەلەدٸ. قازاقستان ەلەمدٸك مۇناي نارىعىنداعى جەتەكشٸ مەملەكەتتٸڭ بٸرٸ سانالادى. ەگەمەندٸك كەزەڭٸندە ەلٸمٸزدەگٸ مۇناي ٶندٸرٸسٸ تٶرت ەسە ٶستٸ. جاقىن ارادا مۇناي ٶندٸرۋ كٶلەمٸن جىلىنا 100 ميلليون تونناعا جەتكٸزەمٸز, – دەدٸ مەملەكەت باسشىسى.
