قاسىم-جومارت توقاەۆ بٸرٸنشٸ "ورتالىق ازييا - كورەيا رەسپۋبليكاسى" سامميتٸنە قاتىستى, دەپ حابارلايدى dalanews.kz.
پرەزيدەنت كٶلٸك-لوگيستيكا ەلەۋەتٸن نىعايتۋدى بٸر باسىمدىق دەپ سانايدى. مەملەكەت باسشىسىنىڭ ايتۋىنشا, جاھاندىق جەتكٸزۋ تٸزبەگٸندە تٷبەگەيلٸ ٶزگەرٸستەر بولىپ جاتىر.
وسى تۇستا شىعىس پەن باتىستى بايلانىستىراتىن ماڭىزدى بۋىن رەتٸندە ورتالىق ازييانىڭ رٶلٸ ارتا تٷسكەن.
"قازاقستان ٶز اۋماعى ارقىلى تاسىمالداناتىن ترانزيتتٸك جٷك كٶلەمٸن 100 ميلليون تونناعا دەيٸن جەتكٸزۋدٸ كٶزدەيدٸ. بۇل رەتتە ترانسكاسپيي حالىقارالىق كٶلٸك باعدارىن دامىتۋعا ايرىقشا مەن بەرەمٸز, ونى ورتا دەلٸز دەپ تە جيٸ اتايدى. كەيٸنگٸ التى جىلدا وسى كٶلٸك دەلٸزٸمەن تاسىمالداناتىن جٷك كٶلەمٸ بەس ەسە ۇلعايدى. تاياۋ جىلدارى باعىتتىڭ ٶتكٸزۋ قابٸلەتٸن 20 ميلليون تونناعا دەيٸن جەتكٸزۋگە نيەتتٸمٸز. بٸزدٸڭ ويىمىزشا, ورتا دەلٸزدٸ كٶلٸك سالاسىنداعى TRIPP باستاماسىمەن ينتەگراتسييالاۋعا بولادى. ليانيۋنگان پورتىنداعى قازاق-قىتاي لوگيستيكالىق تەرمينالى ارقىلى ورتالىق ازييا مۋلتيمودالدٸ جولدارىمەن جٷك جەتكٸزەتٸن كورەيانىڭ دا وسى كوورديناتتار جٷيەسٸنە قاتىسى بار. سوندىقتان بۇل باعىتتاردىڭ ەلەۋەتٸن بٸرٸكتٸرٸپ, كورەيادان ورتالىق ازييا ارقىلى ەۋروپاعا شىعاتىن كٶلٸك-لوگيستيكا تٸزبەگٸن قالىپتاستىرۋعا بولادى دەپ ويلايمىن. وسى ورايدا, پۋسان پورتى مەن كاسپيي ايلاعىنداعى قازاقستان پورتتارى اراسىنداعى تەجٸريبە مەن اقپارات الماسۋ باعىتىنداعى تىعىز ىنتىماقتاستىق جاڭا مٷمكٸندٸككە جول اشادى", – دەدٸ مەملەكەت باسشىسى.
