مەملەكەت باسشىسى قاسىم-جومارت توقاەۆ سالىق جٷيەسٸنە قاتىستى قانداي ٶزگەرٸستەر كەرەك ەكەنٸن ايتتى, - دەپ حابارلايدى Dalanews.kz.
پرەزيدەنتتٸڭ سٶزٸنشە, الدىمىزدا ۇلتتىق ەكونوميكانى ساپالى ەرٸ قارقىندى دامىتۋ دەگەن ٶتە ماڭىزدى مٸندەت تۇر.
"تابىس پەن مٷلٸككە سالىق سالۋدىڭ جاڭا جٷيەسٸن ەنگٸزبەسەك, كەسٸپكەرلەردٸ تابىسىن قالتاعا باسپاي, بيزنەسٸن دامىتۋ ٷشٸن جۇمساۋعا ىنتالاندىرماساق, ارنايى سالىق رەجيمدەرٸن ٶزگەرتپەسەك, بۇل مٸندەتتٸ ورىنداي المايمىز. سوندىقتان سالىق كودەكسٸ سەكٸلدٸ ستراتەگييالىق ماڭىزى بار قۇجاتتى ەزٸرلەۋگە وسى سالا ماماندارىنان بٶلەك ەكونوميستەر مەن بيزنەس ٶكٸلدەرٸ جۇمىلدىرىلۋى قاجەت. ەرينە, بيۋدجەت قورجىنىن تولتىرۋ مٸندەتٸن ۇمىتۋعا بولمايدى. ەكونوميكا نەعۇرلىم قۋاتتى بولسا, سوعۇرلىم كٶپ سالىق تٷسەدٸ دەگەن قاعيداتتى بەرٸك ۇستانۋ كەرەك.
سالىقتى جايدان جاي كٶبەيتە سالۋعا بولمايدى. ەڭ الدىمەن, سالىق سالۋ جٷيەسٸن رەتتەپ, ونى جەتٸلدٸرۋ قاجەت. سونداي-اق, كٶلەڭكەلٸ ەكونوميكانى بارىنشا ازايتۋ كەرەك. ياعني, سالىق جٷيەسٸن باسقارۋ جۇمىسى دۇرىس جولعا قويىلماسا, ەڭ وزىق دەگەن سالىق ساياساتىنىڭ ٶزٸ تيٸمسٸز بولىپ شىعادى.
ٷكٸمەت سالىق جەڭٸلدٸكتەرٸن بەرۋدٸڭ اشىق ەرٸ ناقتى ەرەجەلەرٸن ەزٸرلەۋگە تيٸس. قارجى مينيسترلٸگٸنٸڭ مەلٸمەتٸ بويىنشا جەڭٸلدٸك بەرۋدٸڭ سالدارىنان جىل سايىن بيۋدجەتكە ورتاشا ەسەپپەن 7 تريلليونعا جۋىق تەڭگە كەم تٷسەدٸ. مەن سالىق جەڭٸلدٸكتەرٸن 20 پايىزعا ازايتۋ تۋرالى تاپسىرما بەردٸم. بٸراق, ەلٸ كٷنگە دەيٸن ورىندالعان جوق, تٸپتٸ, مەسەلەنٸ شەشۋ جولدارى دا ەزٸر ەمەس", - دەدٸ مەملەكەت باسشىسى.
