ق ر پرەزيدەنتى قاسىم-جومارت توقايەۆ حالىققا ارناعان العاشقى جولداۋىندا ساياسي رەفورمالارعا قاتىستى ويىن ورتاعا سالدى.
– مەن ساياسي ترانسفورماسيانى ىسكە اسىرۋعا ۋادە بەرگەن بولاتىنمىن. ءبىز ونى مەملەكەت پەن حالىقتىڭ مۇددەسىنە قاراي بىرتىندەپ اتقارامىز. الەمدىك تاجىريبەگە سايكەس، بىردەن ءارى جۇيەسىز جاسالعان ساياسي ليبەراليزاسيا ىشكى ساياسي جاعدايدىڭ تۇراقسىزدانۋىنا اكەلىپ سوقتىرادى. ءتىپتى، مەملەكەتتىلىكتى جوعالتىپ الۋ ءقاۋپى بار، – دەدى توقايەۆ پارلامەنت پالاتالارىنىڭ بىرلەسكەن وتىرىسىندا.
پرەزيدەنتتىڭ ايتۋىنشا، ساياسي رەفورمالار كەزەڭ-كەزەڭمەن ىسكە اسىرىلادى. سونىڭ ناتيجەسىندە حالىقتى تىڭداي بىلەتىن ءارى ەستيتىن مەملەكەت قۇرۋ قاجەت.
– ءبىزدىڭ فۋندامەنتالدى ۇستانىمىمىز ءبىر، تابىستى ەكونوميكالىق رەفورمالاردى ەلىمىزدىڭ ساياسي-قوعامدىق ءومىرىن جاڭعىرتۋسىز ىسكە اسىرۋ مۇمكىن ەمەس. مىقتى پرەزيدەنت، كۇشتى پارلامەنت جانە ەسەپ بەرەتىن ۇكىمەت. بۇل – ءالى ىسكە اسپاعان فاكت ەمەس، ناقتى ماقسات. سوعان جىلدام جەتۋىمىز كەرەك. مىنە، ساياسي جۇيەنىڭ وسى فورمۋلاسى تۇراقتىلىقتىڭ نەگىزى بولىپ سانالدى، – دەپ اتاپ كورسەتتى توقايەۆ.
