Toqaev Joldaýda saiasi reformasynyń formýlasyn jariia etti
QR Prezidenti Qasym-Jomart Toqaev halyqqa arnaǵan alǵashqy Joldaýynda saiasi reformalarǵa qatysty oiyn ortaǵa saldy.
– Men saiasi transformatsiiany iske asyrýǵa ýáde bergen bolatynmyn. Biz ony memleket pen halyqtyń múddesine qarai birtindep atqaramyz. Álemdik tájiribege sáikes, birden ári júiesiz jasalǵan saiasi liberalizatsiia ishki saiasi jaǵdaidyń turaqsyzdanýyna ákelip soqtyrady. Tipti, memlekettilikti joǵaltyp alý qaýpi bar, – dedi Toqaev parlament palatalarynyń birlesken otyrysynda.
Prezidenttiń aitýynsha, saiasi reformalar kezeń-kezeńmen iske asyrylady. Sonyń nátijesinde halyqty tyńdai biletin ári estitin memleket qurý qajet.
– Bizdiń fýndamentaldy ustanymymyz bir, tabysty ekonomikalyq reformalardy elimizdiń saiasi-qoǵamdyq ómirin jańǵyrtýsyz iske asyrý múmkin emes. Myqty prezident, kúshti parlament jáne esep beretin úkimet. Bul – áli iske aspaǵan fakt emes, naqty maqsat. Soǵan jyldam jetýimiz kerek. Mine, saiasi júieniń osy formýlasy turaqtylyqtyń negizi bolyp sanaldy, – dep atap kórsetti Toqaev.
