قاسىم-جومارت توقاەۆ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارىن قابىلدادى. ەڭگٸمە بارىسىندا پرەزيدەنت اقوردادا جاڭا قىزمەت نە ٷشٸن پايدا بولعانىن تٷسٸندٸردٸ, دەپ حابارلايدى Dalanews.kz.
پرەزيدەنت كەزدەسۋ بارىسىندا دارحان ساتىبالدىنىڭ تٷركٸستان وبلىسىندا اتقارعان جۇمىسىنا جوعارى باعا بەردٸ.
قاسىم-جومارت توقاەۆ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى لاۋازىمى باسقارۋ پروتسەسٸ مەن ايماقتار اراسىنداعى ىقپالداستىقتى جەتٸلدٸرۋ, ٶزٸنٸڭ تاپسىرمالارى مەن شەشٸمدەرٸنٸڭ جەرگٸلٸكتٸ جەردە ورىندالۋ بارىسىنا باقىلاۋدى كٷشەيتۋ, سونداي-اق قابىلدانعان شارالاردىڭ ساپاسىن جاقسارتىپ, ازاماتتاردىڭ مەملەكەتتٸك ينستيتۋتتارعا سەنٸمٸن نىعايتۋ ماقساتىندا ەنگٸزٸلٸپ وتىرعانىن اتاپ ٶتتٸ.
سونىمەن قاتار پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارىنا ناقتى مٸندەتتەر جٷكتەلدٸ.
ەسكە سالايىق, 6 قاڭتاردا پرەزيدەنتتٸڭ جارلىعىمەن دارحان ساتىبالدى قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ باسشىسىنىڭ بٸرٸنشٸ ورىنباسارى بولىپ تاعايىندالدى, ول بۇرىنعى اتقارعان لاۋازىمىنان بوساتىلعان ەدٸ.
