Qasym-Jomart Toqaev Prezident Ákimshiligi Basshysynyń birinshi orynbasaryn qabyldady. Áńgime barysynda prezident Aqordada jańa qyzmet ne úshin paida bolǵanyn túsindirdi, dep habarlaidy Dalanews.kz.
Prezident kezdesý barysynda Darhan Satybaldynyń Túrkistan oblysynda atqarǵan jumysyna joǵary baǵa berdi.
Qasym-Jomart Toqaev Prezident Ákimshiligi Basshysynyń birinshi orynbasary laýazymy basqarý protsesi men aimaqtar arasyndaǵy yqpaldastyqty jetildirý, óziniń tapsyrmalary men sheshimderiniń jergilikti jerde oryndalý barysyna baqylaýdy kúsheitý, sondai-aq qabyldanǵan sharalardyń sapasyn jaqsartyp, azamattardyń memlekettik institýttarǵa senimin nyǵaitý maqsatynda engizilip otyrǵanyn atap ótti.
Sonymen qatar Prezident Ákimshiligi Basshysynyń birinshi orynbasaryna naqty mindetter júkteldi.
Eske salaiyq, 6 qańtarda prezidenttiń Jarlyǵymen Darhan Satybaldy Qazaqstan Respýblikasy Prezidentiniń Ákimshiligi Basshysynyń birinshi orynbasary bolyp taǵaiyndaldy, ol burynǵy atqarǵan laýazymynan bosatylǵan edi.
