مەملەكەت باسشىسىنا اسسامبلەيانىڭ ەل اۋماعىندا اتقارىپ جاتقان جۇمىستارى جايىندا باياندالدى. بۇدان بولەك ۇيىم قاراستى قوعامدىق ينستيتۋتتاردىڭ ايماقتاردا جۇزەگە اسىرعان ءىس-شارالارىنىڭ ناتيجەسى ەگجەي-تەگجەيلى ءسوز بولدى.
ءازىلحانوۆتىڭ ەسەبىن تىڭداعان توقايەۆ اسسامبلەياعا قاراستى بارلىق قۇرىلىمدار قوعامدىق ومىردەن قالىس قالماي، ناقتى ءارى ساپالى جۇمىس ىستەۋ قاجەتتىگىن ەسكەرتتى.
“اسسامبلەيا قاتارىنداعى جاستارعا، سونىڭ ىشىندە جاستار قوزعالىسى مەن انالار كەڭەسىنىڭ قىزمەتىنە ەرەكشە نازار اۋدارىڭىزدار. اتالعان ەكى ۇيىم جاستار ماسەلەسى مەن كوپ بالالى انالار پروبلەماسىنا بەلسەندى اتسالىسۋى قاجەت. 1995 جىلدان بەرى ەلىمىزدە ەتنوسارالىق بىرلىكتى نىعايتۋ سالاسىندا اۋقىمدى جۇمىس اتقارىلدى، وسى قارقىندى جوعالتپاۋىمىز قاجەت”، – دەدى پرەزيدەنت.
كەزدەسۋ قورىتىندىسىندا قاسىم-جومارت توقايەۆ اسسامبلەيا ءتوراعاسىنىڭ ورىنباسارىنا ەلىمىزدەگى مەدياسيا ينستيتۋتىن جەتىلدىرۋ جونىندە ءبىرقاتار ناقتى-ناقتى تاپسىرما بەردى.
