Toqaev: “Assambleiaǵa qarasty uiymdar nátijeli jumys isteýi qajet”
Memleket basshysyna Assambleianyń el aýmaǵynda atqaryp jatqan jumystary jaiynda baiandaldy. Budan bólek uiym qarasty qoǵamdyq institýttardyń aimaqtarda júzege asyrǵan is-sharalarynyń nátijesi egjei-tegjeili sóz boldy.
Ázilhanovtyń esebin tyńdaǵan Toqaev Assambleiaǵa qarasty barlyq qurylymdar qoǵamdyq ómirden qalys qalmai, naqty ári sapaly jumys isteý qajettigin eskertti.
“Assambleia qataryndaǵy jastarǵa, sonyń ishinde Jastar qozǵalysy men Analar keńesiniń qyzmetine erekshe nazar aýdaryńyzdar. Atalǵan eki uiym jastar máselesi men kóp balaly analar problemasyna belsendi atsalysýy qajet. 1995 jyldan beri elimizde etnosaralyq birlikti nyǵaitý salasynda aýqymdy jumys atqaryldy, osy qarqyndy joǵaltpaýymyz qajet”, – dedi prezident.
Kezdesý qorytyndysynda Qasym-Jomart Toqaev Assambleia tóraǵasynyń orynbasaryna elimizdegi mediatsiia institýtyn jetildirý jóninde birqatar naqty-naqty tapsyrma berdi.
