ءىس-شاراعا Chevron، ExxonMobil، Fluor، Shell USA، The Solar Turbines، S&P Global، Centrus Energy Corporation، Boeing، Amway، GE International Markets، Honeywell UOP، Philip Morris، The Procter & Gamble Company، Baker Hughes، John Deere، Bechtel، Halliburton، Valmont، Champion Foods، PepsiCo، MasterCard، Citi، McLarty Associates، Macro-Advisory LTD، private equity fund RCF، Brownstein Hyatt Farber Schreck، Greenenberg Traurig LLP، Microsoft، Coursera، StartX، EPAM، Wabtec Corporation، Zscaler، DoorDash، Amazon، Pfizer، Medtronic، Netflix سەكىلدى ءىرى امەريكالىق كومپانيالاردىڭ باسشىلارى قاتىستى.
پرەزيدەنت مۇنداي فورماتتا وتكەن كەزدەسۋ يگى داستۇرگە اينالعانىن اتاپ ءوتىپ، وسى شارانى ۇيىمداستىرۋعا اتسالىسقان اقش-تىڭ ساۋدا پالاتاسى مەن ىسكەرلىك كەڭەس مۇشەلەرىنە ريزاشىلىعىن ءبىلدىردى.
مەملەكەت باسشىسى كەزدەسۋدە ادىلەتتى قازاقستان قۇرۋعا باعىتتالعان اۋقىمدى ساياسي جانە ەكونوميكالىق رەفورمالاردىڭ جۇزەگە اسىرىلۋى جونىندە ەگجەي-تەگجەيلى ايتىپ بەردى.
قاسىم-جومارت توقايەۆ قازاقستاننىڭ ەكونوميكالىق الەۋەتى مەن ينۆەستيسيالىق تارتىمدىلىعىن ارتتىرۋ ءۇشىن قابىلدانىپ جاتقان شارالار تۋرالى جان-جاقتى مالىمەت بەردى. اتاپ ايتقاندا، پرەزيدەنت ەنەرگەتيكا، اۋىل شارۋاشىلىعى، ونەركاسىپ، كولىك-لوگيستيكا، سيفرلاندىرۋ، قارجى جانە جاڭارتىلاتىن ەنەرگيا كوزدەرى سالالارىنداعى بىرلەسكەن ينۆەستيسيالىق جوبالاردى ىسكە اسىرۋ مۇمكىندىكتەرىنە توقتالدى.
مەملەكەت باسشىسى قازاقستاندا امەريكالىق جاڭا ءىرى كاسىپورىنداردىڭ پايدا بولۋىنا قولداۋ ءبىلدىردى.
قاسىم-جومارت توقايەۆ قازاقستان مەن اقش اراسىنداعى ستراتەگيالىق ەكونوميكالىق سەرىكتەستىك بارلىق سالادا ءارتاراپتاندىرىلىپ، كەڭەيە بەرەتىنىن اتاپ ءوتتى.
https://dalanews.kz/del-qazir/81405-zhanga-qazaqstanda-qogamdyq-kengesterd
