قازاقستان پرەزيدەنتٸ قاتار ەمٸرٸ شەيح تەميم بەن حاماد ەل تەنيمەن كەزدەستٸ, دەپ حابارلايدى dalanews.kz.
قاسىم-جومارت توقاەۆ قاتار ەمٸرٸ شەيح تەميم بەن حاماد ەل تەنيگە جەنە ونىڭ ەۋلەتٸنە ەمٸر-ەكە شەيح حاماد بەن حاليفا ەل تەني دٷنيەدەن وزۋىنا بايلانىستى كٶڭٸل ايتۋ ٷشٸن دوحاعا باردى. پرەزيدەنت قۋاتتى ەرٸ ٶركەندەگەن قاتار مەملەكەتٸن قۇرۋعا شەيح حامادتىڭ ەلەۋلٸ ٷلەس قوسقانىن اتاپ ٶتتٸ.
"ول كٶرنەكتٸ مەملەكەت قايراتكەرٸ ەرٸ قازاق حالقىنىڭ دوسى ەدٸ", – دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, قازاق-قاتار قارىم-قاتىناسىنىڭ قالىپتاسىپ, تابىستى دامۋىنا شەيح حاماد بەن حاليفا ەل تەني زور ەڭبەك سٸڭٸردٸ. ول قازاقستانعا ەكٸ رەت رەسمي ساپارمەن كەلدٸ. ەمٸردٸ 1999 جىلى سەۋٸردەگٸ بٸرٸنشٸ ساپارى كەزٸندە قاسىم-جومارت توقاەۆ سىرتقى ساياسات ۆەدومستۆوسىنىڭ باسشىسى قىزمەتٸندە قارسى العان. مەملەكەت باسشىسى شەيح حامادتىڭ قولداۋىمەن استانادا العاشقى ەڭسەلٸ ەل-فارابي مەشٸتٸ بوي كٶتەرگەنٸن, سونداي-اق, قازاقستان تەۋەلسٸزدٸگٸنٸڭ باستاپقى جىلدارىندا بٸرقاتار ەلەۋمەتتٸك جەنە ينفراقۇرىلىمدىق جوبا جٷزەگە اسقانىن ريزاشىلىقپەن ەسكە الدى.
"وسىنداي قارالى سەتتە اللا تاعالادان مارقۇمنىڭ جانى جەنناتتا بولۋىن سۇراپ, دۇعا ەتەمٸز", – دەدٸ قازاقستان پرەزيدەنتٸ.
قاتار ەمٸرٸ شەيح تەميم بەن حاماد ەل تەني ارنايى قولداۋى ٷشٸن قاسىم-جومارت توقاەۆقا ريزاشىلىعىن بٸلدٸرٸپ, بۇل قاتار مەن قازاقستان حالىقتارى اراسىنداعى باۋىرلاستىق بايلانىستاردىڭ ايرىقشا سيپاتىن كٶرسەتەتٸنە نازار اۋداردى.
قاتار تاراپىنىڭ باستاماسىمەن مەملەكەتتەر باسشىلارى قازٸرگٸ حالىقارالىق احۋال, سونىڭ ٸشٸندە تاياۋ شىعىستاعى جاعداي تۋرالى پٸكٸر الماستى. پرەزيدەنت قاتار ەمٸرٸن ٶزٸنە قولايلى ۋاقىتتا قازاقستانعا ساپارمەن كەلۋگە شاقىراتىنىن راستادى. شەيح تەميم بەن حاماد ەل تەني شاقىرۋدى ىقىلاسپەن قابىل الدى.
