الماتىدا سەيسميكالىق قاۋىپسىزدىك ماسەلەلەرىنە ارنالعان كەڭەس سوڭىندا مەملەكەت باسشىسى قاسىم-جومارت توقايەۆ مەگاپوليس تۇرعىندارىنا ۇندەۋ جاسادى، - دەپ حابارلايدى Dalanews.kz اقوردانىڭ باسپا ءسوز قىزمەتىنە سىلتەپ.
قاسىم-جومارت توقايەۆ جيىنداعى ءسوزىن قورىتىندىلاي كەلە، الماتى قالاسىنىڭ تۇرعىندارىنا ۇندەۋ جاسادى.
"سابىر ساقتاڭىزدار جانە ءار نارسەگە بايىپپەن قاراڭىزدار. دۇربەلەڭگە سالىنىپ، ءتۇرلى قاۋەسەت پەن جالعان اقپاراتتى قاساقانا تاراتاتىن ارانداتۋشىلار مەن جاۋاپسىز ادامداردىڭ جەتەگىنە ەرىپ كەتپەڭىزدەر. ناعىز الماتىلىقتار ءارقاشان اقىل-پاراساتىمەن جانە ۇستامدىلىعىمەن ەرەكشەلەنگەن. ەل باسشىلىعى سىزدەردىڭ قاۋىپسىزدىكتەرىڭىزدى قامتاماسىز ەتۋ ءۇشىن قولدان كەلگەننىڭ ءبارىن جاسايدى. وعان كۇمان بولماسىن. الماتىلىقتاردىڭ تالاپ-تىلەگى ءاردايىم ءبىزدىڭ باستى نازارىمىزدا"، – دەدى پرەزيدەنت.
