توقاەۆ قالا جۇرتشىلىعىمەن كەزدەسۋٸندە قاڭتار وقيعالارى جايلى قاساقانا ەرەكەت ەتكەن قاراقشىلار توبىنىڭ مەملەكەتتٸگٸمٸزدٸڭ تۇعىرىن شايقالتۋعا تىرىسقانىن, ەلدەگٸ تۇراقتىلىقتىڭ تامىرىنا بالتا شاپقىسى كەلگەنٸن ايتتى.
ول سونىمەن قوسا بەيبٸت شەرۋلەردٸڭ سەبەبٸ – بٸر بٶلەك, ال مەملەكەتتٸك تٶڭكەرٸس جاساعىسى كەلگەندەردٸڭ ماقساتى – مٷلدە باسقا بولعانىن سول سەبەپتٸ مەسەلەنٸڭ باسىن اشىپ الۋ قاجەت ەكەنٸن جەتكٸزدٸ.
پرەزيدەنت قاڭتار وقيعاسىنىڭ استارىنا ٷڭٸلسەك, ونىڭ سەبەپتەرٸ ايقىن كٶرٸنەتٸنٸن ايتادى. ول مۇنىڭ سەبەبٸن, ەلٸمٸزدە ۇزاق ۋاقىت ەلەۋمەتتٸك ەدٸلدٸك نازاردان تىس قالۋىمەن جەنە مەملەكەت پەن قوعامنىڭ اراسى الشاقتاپ كەتكەنٸمەن تٷسٸندٸرەدٸ.
توقاەۆ جىلدار بويى شەشٸلمەگەن ەلەۋمەتتٸك-ەكونوميكالىق مەسەلەلەردەن جۇرت ەبدەن قاجىعانىن ايتادى.
الايدا توقاەۆ قىلمىسكەرلەردٸڭ كٶزدەگەنٸ باسقا بولعانىن, ولار بەيبٸت شەرۋدٸ جاپپاي تەرتٸپسٸزدٸككە اينالدىرعىسى كەلگەنٸن تٷسٸندٸرەدٸ. سٶزٸنشە, الدىن-الا ەزٸرلەگەن ارانداتۋشىلار, بۇزاقىلار, تٸپتٸ قاراقشىلاردى پايدالانعان.
"سونىڭ كەسٸرٸنەن الماتىداعى جاعداي كٷرت ناشارلادى, تٸپتٸ, باقىلاۋدان شىقتى. قىلمىسكەرلەر ەكٸمشٸلٸك عيماراتتاردى باسىپ الدى. كٶشەلەردٸ جاۋىپ, جولىندا كەزدەسكەننٸڭ بەرٸن قيراتتى, تونادى. قىسقاسى, ويلارىنا نە كەلسە, سونى ٸستەدٸ. بٸراق, قانداي جاعداي بولسىن, ازاماتتارىمىز, ەڭ باستىسى, الماتىنىڭ اسقاق رۋحىن قۇلاتقان جوق. قالا تۇرعىندارى جۇدىرىقتاي جۇمىلدى, سٷيٸكتٸ قالاسىن قورعاپ قالۋ ٷشٸن بٸرٸكتٸ. ەرينە, سودىرلاردىڭ مۇندايدى كٷتپەگەنٸ ايدان انىق", - دەدٸ پرەزيدەنت.
ەلٸمٸزدٸڭ التىن بەسٸگٸ – الماتىنى قيراتىپ جاتقانى وسى قالانىڭ پەرزەنتٸ رەتٸندە مەنٸڭ دە جانىما باتتى, دەيدٸ توقاەۆ.
بٸراق سول سەتتە ابدىراپ, ۋاقىت ۇتتىرۋعا ەش قاقىمىز بولماعانىن, وندا ەبدەن داندايسىپ كەتكەن قاراقشىلار قالامىزدى كٷل-تالقان قىلار ەدٸ.
مەملەكەت باسشىسى ەل تاعدىرى سىنعا تٷسكەن جاۋاپتى سەتتە حالقىمىزدىڭ مىزعىماس بٸرلٸگٸ مەن قايتپاس قايسارلىعىن تانىتقانىن اتاپ ٶتتٸ. مەملەكەتتٸگٸمٸزدٸ ساقتاپ قالۋ ٷشٸن بٸز قانداي تەۋەكەلگە دە باراتىنىمىزدى ايقىن كٶرسەتتٸك, دەيدٸ ول.
[caption id="attachment_83310" align="aligncenter" width="2560"]
"سول قيىن كٷندەردە بٷكٸل قازاقستان حالقى الماتىلىقتاردىڭ تٸلەۋٸن تٸلەدٸ. ٶكٸنٸشكە قاراي, قازٸر كەيبٸرەۋلەر قىلمىستىق ەرەكەتتٸ حالىق كٶتەرٸلٸسٸ دەپ اقتاۋعا تىرىسىپ جٷر.
تاعى دا ايتامىن: حالىقتىڭ بەيبٸت شەرۋٸ مەن قاراقشىلار جاساعان قاندى قىلمىستىڭ اراسىن اجىراتا بٸلۋ كەرەك. بٸز جەدەل جەنە باتىل ەرەكەت جاساعاننىڭ ارقاسىندا ەل ٸشٸندە دەرەۋ تەرتٸپ ورناتتىق. قابىلداعان شەشٸمدەرٸمٸز جەنە ٸس-ەرەكەتٸمٸز بٷكٸل دٷنيە جٷزٸندە تٷسٸنٸستٸكپەن مويىندالدى, تٸپتٸ, قولداۋ تاپتى", - دەپ تٷسٸندٸرەدٸ پرەزيدەنت.
"ۋاقىت – ەمشٸ" دەگەن حالىق دانالىعىن سٶزٸنە تيەك ەتكەن توقاەۆ قاسٸرەتتٸ كٷندەر الىستاعان سايىن بٸرتٸندەپ كٶمەسكٸ تارتا بەرەتٸنٸ انىق ەكەنٸن ايتادى.
قارۋلى كٷشتەردٸڭ قالاي ويران سالعانى دا ەستەن شىعۋى مٷمكٸن ەكەنٸن ايتقان ول, ەل ٸشٸنە جٸك سالعىسى كەلەتٸن ارانداتۋشىلاردىڭ جەتەگٸندە كەتپەۋٸمٸز كەرەك دەپ ەسكەرتەدٸ.
توقاەۆ سونىمەن قاتار كٶشەگە شىعىپ, بۇزاقىلىق جاساعان ادامداردى دەرٸپتەپ, قولدان قاھارمان جاساۋعا بولمايتىنىن تاعى بٸر قايتارا ەسكە سالدى. قاستاڭدىق ۇيىمداستىرعان قاراقشىلاردىڭ قىلمىسىن اقتاۋعا جول بەرٸلمەيدٸ. ولاردىڭ بەرٸ لايىقتى جازاسىن الادى, دەيدٸ ول.
قاڭتار وقيعالارىنا قاتىستى ٸستٸ بولعان ازاماتتاردى اقتاۋ ٷشٸن قابىلدانعان راقىمشىلىق تۋرالى زاڭ جٶنٸندە ايتقان پرەزيدەنت, مۇنى ادامگەرشٸلٸك تۇرعىدان دۇرىس قادام دەپ اتاعان.
"بٸراق, قىلمىسكەرلەردٸڭ قولشوقپارى بولعان, ارانداپ قالعان جاندار دا بار. مەن اۋىر قىلمىس جاساماعان وسىنداي ازاماتتارعا كەشٸرٸممەن قاراعان جٶن دەپ شەشتٸم. وسىعان وراي, راقىمشىلىق تۋرالى زاڭ قابىلداندى. بۇل – ادامگەرشٸلٸك تۇرعىدان دۇرىس قادام. ٶيتكەنٸ, كەشٸرٸم – ٸزگٸلٸكتٸڭ بەلگٸسٸ. قاجەتتٸ زاڭدىق رەسٸمدەر كەيٸن راقىمشىلىق جاسالعان ادامدار بوساتىلىپ, وتباسىنا ورالادى. بۇدان بىلاي مۇنداي قاسٸرەت قايتالانبايدى دەپ سەنەمٸن. سول ٷشٸن بٸز قولدان كەلگەننٸڭ بەرٸن جاسايمىز. قايعىلى كٷندەردە قازا بولعان جانداردىڭ جاقىندارىنا تاعى دا كٶڭٸل ايتامىن", - دەدٸ مەملەكەت باسشىسى.
سٶزٸنٸڭ سوڭىندا توقاەۆ سىن ساعاتتا انتقا ادال بولعان قۇقىق قورعاۋ جەنە كٷشتٸك قۇرىلىمداردىڭ قىزمەتكەرلەرٸن ەرەكشە اتاپ ٶتكەن. سونداي-اق ول قوعامدىق تەرتٸپتٸ قالپىنا كەلتٸرۋگە قالا تۇرعىندارى دا اتسالىسقانىن جاسىرمايدى.
"وسىنداي جاناشىر ازاماتتاردىڭ بەرٸنە ريزاشىلىعىمدى بٸلدٸرەمٸن. "قاڭتار قاسٸرەتٸ" بٸزگە سىناق قانا ەمەس, ٷلكەن ساباق بولدى. تىنىشتىق پەن تۇراقتىلىقتىڭ قادٸرٸن جۇرتىمىز جەتە تٷسٸندٸ. ال, قوعامعا ٸرٸتكٸ سالۋدى كٶزدەگەن قاراقشىلاردىڭ, لاڭكەستەردٸڭ ماقساتى ورىندالعان جوق. كەرٸسٸنشە, حالقىمىزدىڭ بٸرلٸگٸ نىعايا تٷستٸ. ۇيىسىپ, جان-جاقتى جاڭعىرۋ جولىنا قادام باستى", - دەدٸ مەملەكەت باسشىسى.
دەرەككٶز: Stan.kz
