قاسىم-جومارت توقايەۆتىڭ Turkistan گازەتىنە بەرگەن كولەمدى سۇحباتى جاريالاندى، دەپ حابارلايدى Dalanews.kz.
– جاقىندا اقش پرەزيدەنتى دونالد ترامپ ءوزىنىڭ دەنساۋلىعى تۋرالى مالىمەتتەردى جاريالادى. وسى تۇرعىدان العاندا، ءسىز كوپ اشىلا بەرمەيسىز. دەگەنمەن، دەنساۋلىعىڭىز جايلى ءتۇرلى اڭگىمە ايتىلىپ جاتادى. كەيبىرەۋلەر ءسىزدىڭ سالماق تاستاپ، سەرگەك كورىنە باستاعانىڭىزدى اتاپ وتسە، ەندى بىرەۋلەر وعان كەراعار پىكىر ءبىلدىرىپ ءجۇر. بۇل تۋرالى نە دەر ەدىڭىز؟
– دەنساۋلىعىم جاقسى، قان قىسىمىم قالىپتى. كۇن سايىن يوگامەن شۇعىلدانۋدى ادەتكە اينالدىردىم، ءبىراق مەديتاسيا جاسامايمىن. بۇرىنعى كاسىپقوي سپورتشىمەن اپتاسىنا ەكى رەت ۇستەل تەننيسىن وينايمىن. راسىمەن، توعىز كەلى سالماق تاستاپ، ءوزىمدى الدەقايدا جايلى سەزىنەتىن بولدىم.
– تمد ەلدەرىندەگى ارىپتەستەرىڭىزدىڭ ىشىندە تاعى كىم سپورتقا جاقىن؟
– تاياۋدا بىشكەكتە وتكەن بەيرەسمي ءىس-شارا كەزىندە پۋتين جاس دزيۋدوشىعا قارسى ادەمى ءادىس جاساپ، اعا بۋىننىڭ ابىرويىن كوتەرىپ تاستادى. الييەۆ تە مىقتى، كانىگى سپورتشى سياقتى ۇنەمى جاتتىعادى، جاپاروۆ فۋتبول وينايدى. ميرزيويەۆ تە شيراق، ول جاتتىعۋ زالىندا شىنىعادى. پاشينيان ۆەلوسيپەد تەبەدى. لۋكاشەنكو ءالى كۇنگە دەيىن حوككەي وينايدى ەكەن. كەزىندە تەڭىز-اسكەري كۇشتەرىندە بولىپ، ابدەن شىنىققان راحموننىڭ دا دەنساۋلىعى جاقسى. ءبىر سوزبەن ايتسام، ارىپتەستەرىمنىڭ ءبارى دە بابىندا.
