قۇرمەتتٸ قازاق ەلٸ!
ٶزدەرٸڭٸزگە مەلٸم, قاڭتار وقيعالارىنا بايلانىستى قۇرىلعان «امانات» كوميسسيياسى كٷنٸ بٷگٸنگە دەيٸن جازىقسىز قامالعان ازاماتتاردى بوساتۋمەن اينالىسىپ كەلدٸ. وسى سەگٸز ايدىڭ ٸشٸندە ۇزىن سانى 500-دەن اسا ازامات بٸزدٸڭ كوميسسييامىزدىڭ تٸكەلەي ارالاسۋىمەن بوستاندىققا شىقتى.
بٸراق, كوميسسييا تەك جازىقسىز ازاماتتاردى شىعارۋدى عانا ٶز الدىنا ماقسات ەتٸپ قويمادى.
وسى ۋاقىت ٸشٸندە جٷزدەگەن قامالعاندارمەن تٸلدەسٸپ, تاعدىرلارىنا ٷڭٸلٸپ, بولعان جاعدايدى ەبدەن سارالاپ, زەرتتەپ, قاڭتار وقيعالارىنا قاتىسۋشىلارعا تۇتاس راقىمشىلىق جاساۋ جٶنٸندەگٸ ۇسىنىسىمىزدى پرەزيدەنت اتىنا جولداعان بولاتىنبىز.
بٸزدٸ قولداپ, سەنٸم ارتىپ, ۇلدارىنىڭ تاعدىرىن امانات ەتكەن حالىقتىڭ ٷمٸتٸن اقتاۋ بٸز ٷشٸن ەڭ باستى مٸندەت بولدى!
بٷگٸن, كٶرٸپ وتىرعانىڭىزداي, وسى بٸر ۇسىنىسىمىز ەڭ جوعارعى دەڭگەيدە قولداۋ تاۋىپ, قاڭتار وقيعالارىنا قاتىسىپ, قاپاسقا قامالعان ازاماتتارىمىزعا قاتىستى بٸر رەتتٸك راقىمشىلىق جاساۋ جايىندا تيٸستٸ شەشٸم قابىلدانعانى پرەزيدەنت اۋزىمەن پارلامەنت قابىرعاسىندا قالىڭ ەلگە جارييالاندى. مىڭداعان جانعا قۋانىش سىيلاعان بۇل سٷيٸنشٸ حاباردى بٸز ەدٸلەتتٸڭ سالتانات قۇرۋى, گۋمانيزم اكتٸسٸ دەپ قابىلدايمىز!
بۇل – «امانات» كوميسسيياسى جۇمىسىنىڭ شەشۋشٸ قورىتىندىسى, بٸراق,جۇمىسىمىز بۇنىمەن اياقتالمايدى, الداعى ۋاقىتتا كوميسسييامىز راقىمشىلىق تۋرالى زاڭنىڭ جاساقتالۋىنا, قولدانىلۋىنا قاتىستى زاڭ ورىندارىمەن بٸرلەسە جۇمىستاناتىن بولادى.
بٸز ٶز اتىمىزدان جەنە قاڭتار وقيعالارىنا قاتىستى قاماۋدا بولعان ازاماتتار مەن ولاردىڭ تۋما-تۋىستارىنىڭ اتىنان مەملەكەت بولاشاعىن ەسكەرٸپ, ادامدار تاعدىرىنا قاتىستى وسىنداي ەدٸل شەشٸم قابىلداعانى ٷشٸن پرەزيدەنت قاسىم-جومارت توقاەۆقا ٷلكەن العىس ايتامىز!
ابزال قۇسپان
مادي جومارتۇلى مىرزاعاراەۆ
ۋايس ەرسايىنۇلى
