باعدارلاما ايەلدەر مەن قىزداردىڭ باسقارۋشىلىق الەۋەتى مەن ساياسي مادەنيەتىن دامىتۋعا باعىتتالعان.
ق ر اقپارات جانە قوعامدىق دامۋ ۆيسە-مينيسترى ا.س. دانيلوۆ سەمينار قاتىسۋشىلارىن قۇتتىقتاي وتىرىپ «ءبىزدىڭ باستى باسىمدىعىمىز – بارلىق قازاقستاندىقتار ءۇشىن ادىلەتتىلىك پەن تەڭدىكتى قامتاماسىز ەتۋ. جوبا قالالار، سونداي-اق اۋىلدارداعى تابىسقا جەتكەن قىزدار مەن ايەلدەردى قولداۋعا جانە ولاردى قوعامدىق جانە ساياسي ومىرگە تارتۋعا مۇمكىندىك بەرەدى»، – دەپ اتاپ ءوتتى.
باعدارلاما مىندەتتەرىنىڭ ءبىرى – بەلسەندى ايەلدەردى ناقتى وقىتۋدى جۇزەگە اسىرۋ ماقساتىندا ءار ءوڭىر بويىنشا وڭىرلىك ساراپشىلار پۋلىن قۇرۋ.
بۇگىنگى ترەنينگتە 40-تان استام ايەلدەر مەن قىزدار وقىتىلادى. ترەنينگ تاقىرىبى: «قازاقستان ازاماتتارىنىڭ گەندەرلىك قۇقىقتارى مەن بوستاندىقتارىن ىسكە اسىرۋ قوعامنىڭ وڭ وزگەرۋىنىڭ شارتى رەتىندە». وقىتۋدى «قازاقستاننىڭ تەڭ قۇقىقتارى مەن تەڭ مۇمكىندىكتەرى ينستيتۋتى» قوعامدىق قورىنىڭ ساراپشىلارى جۇرگىزەدى.
– باعدارلاما اياسىندا ءبىرقاتار ءىس-شارالار، ونىڭ ىشىندە كوشباسشى ايەلدەردى وقىتۋ جوباسى جوسپارلانۋدا. ءبىز كونكۋرستىق نەگىزدە بارلىق وڭىرلەردەن 30 كورنەكتى ايەل كوشباسشىنى تاڭداپ، ولاردى نۇر-سۇلتان قالاسىندا وتەتىن وقىتۋ باعدارلاماسىنا جىبەرەمىز. وقىتۋ ساياسي كوشباسشىلىق داعدىلارىن، ءبىلىم مەن قۇزىرەتتىلىكتى دامىتۋعا باعىتتالادى، بۇل قاتىسۋشىلارعا ءارتۇرلى دەڭگەيدەگى باسشى لاۋازىمدارعا تاعايىندالۋعا نەمەسە سايلانۋعا كومەكتەسەدى. جاقىندا ءبىز وسى وقۋ باعدارلاماسىنا وتىنىمدەر قابىلداۋدىڭ باستالعانى تۋرالى جاريالايمىز. الداعى ۋاقىتتا سەرىكتەستەرىمىزبەن بىرگە باعدارلامانىڭ اۋقىمىن كەڭەيتىپ، جاڭا جوبالار مەن قۇرامداس بولىكتەرىن قوساتىن بولامىز، – دەدى ساياسي مەنەدجمەنت اكادەمياسىنىڭ ديرەكتورى دانيار مۇقيتانوۆ.
«Tomiris» باعدارلاماسى ۇزاق مەرزىمدى نەگىزدە جۇزەگە اسىرىلاتىن بولادى. ەلىمىزدىڭ بارلىق وڭىرلەرىنەن كەلگەن ايەلدەر مەن قىزداردى وقىتۋ ىس-شارالارىمەن جانە اقپاراتتىق جۇمىسپەن قامتۋ جوسپارلانۋدا. ونىڭ ىشىندە: گەندەرلىك ستەرەوتيپتەر جانە بۇقارالىق كوممۋنيكاسيا ارنالارىن قولدانا وتىرىپ، ولاردى ەڭسەرۋ جولدارى، گەندەرلىك سەزىمتال ساياساتتى قالىپتاستىرۋ، ەكونوميكا مەن يننوۆاسيالاردى دامىتۋداعى ايەلدەردىڭ ءرولى تاقىرىپتارى قوزعالادى.
«Tomiris» باعدارلاماسىن ق ر اقپارات جانە قوعامدىق دامۋ مينيسترلىگى مەن «AMANAT» پارتياسىنىڭ ساياسي مەنەدجمەنت اكادەمياسى ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن، كونراد ادەناۋەر قورىنىڭ جانە باسقا سەرىكتەستەردىڭ قولداۋىمەن جۇزەگە اسىرادى.
