Baǵdarlama áielder men qyzdardyń basqarýshylyq áleýeti men saiasi mádenietin damytýǵa baǵyttalǵan.
QR Aqparat jáne qoǵamdyq damý vitse-ministri A.S. Danilov seminar qatysýshylaryn quttyqtai otyryp «Bizdiń basty basymdyǵymyz – barlyq qazaqstandyqtar úshin ádilettilik pen teńdikti qamtamasyz etý. Joba qalalar, sondai-aq aýyldardaǵy tabysqa jetken qyzdar men áielderdi qoldaýǵa jáne olardy qoǵamdyq jáne saiasi ómirge tartýǵa múmkindik beredi», – dep atap ótti.
Baǵdarlama mindetteriniń biri – belsendi áielderdi naqty oqytýdy júzege asyrý maqsatynda ár óńir boiynsha óńirlik sarapshylar pýlyn qurý.
Búgingi treningte 40-tan astam áielder men qyzdar oqytylady. Trening taqyryby: «Qazaqstan azamattarynyń genderlik quqyqtary men bostandyqtaryn iske asyrý qoǵamnyń oń ózgerýiniń sharty retinde». Oqytýdy «Qazaqstannyń teń quqyqtary men teń múmkindikteri institýty» qoǵamdyq qorynyń sarapshylary júrgizedi.
– Baǵdarlama aiasynda birqatar is-sharalar, onyń ishinde kóshbasshy áielderdi oqytý jobasy josparlanýda. Biz konkýrstyq negizde barlyq óńirlerden 30 kórnekti áiel kóshbasshyny tańdap, olardy Nur-Sultan qalasynda ótetin oqytý baǵdarlamasyna jiberemiz. Oqytý saiasi kóshbasshylyq daǵdylaryn, bilim men quzyrettilikti damytýǵa baǵyttalady, bul qatysýshylarǵa ártúrli deńgeidegi basshy laýazymdarǵa taǵaiyndalýǵa nemese sailanýǵa kómektesedi. Jaqynda biz osy oqý baǵdarlamasyna ótinimder qabyldaýdyń bastalǵany týraly jariialaimyz. Aldaǵy ýaqytta seriktesterimizben birge baǵdarlamanyń aýqymyn keńeitip, jańa jobalar men quramdas bólikterin qosatyn bolamyz, – dedi Saiasi menedjment akademiiasynyń direktory Daniiar Muqitanov.
«Tomiris» baǵdarlamasy uzaq merzimdi negizde júzege asyrylatyn bolady. Elimizdiń barlyq óńirlerinen kelgen áielder men qyzdardy oqytý is-sharalarymen jáne aqparattyq jumyspen qamtý josparlanýda. Onyń ishinde: genderlik stereotipter jáne buqaralyq kommýnikatsiia arnalaryn qoldana otyryp, olardy eńserý joldary, genderlik sezimtal saiasatty qalyptastyrý, ekonomika men innovatsiialardy damytýdaǵy áielderdiń róli taqyryptary qozǵalady.
«Tomiris» baǵdarlamasyn QR Aqparat jáne qoǵamdyq damý ministrligi men «AMANAT» partiiasynyń Saiasi menedjment akademiiasy QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń qoldaýymen, Konrad Adenaýer qorynyń jáne basqa seriktesterdiń qoldaýymen júzege asyrady.
