تولەبي اۋدانىندا اۋدان اكىمى باۋىرجان وماربەكوۆ جانە ونىڭ ورىنباسارلارى، اپپارات باسشىسى، ءبولىم باسشىلارى، قالا، اۋىلدىق وكرۋگ اكىمدەرى، مەكەمە باسشىلارىنىڭ قاتىسۋىمەن ءماجىلىس ءوتتى.

القالى جيىندا ماسەلە قارالدى. ءبىرىنشى كەزەكتە اۋداننىڭ ەكونوميكالىق دامۋ كورسەتكىشى سارالادى. سالا ماماندارى 2018 جىلدىڭ 9 ايىندا اۋداننىڭ الەۋمەتتىك-ەكونوميكالىق دامۋ ينديكاتورى 74 ملرد 718،1 مىڭ تەڭگەنى قۇراعانىن العا تارتتى. وسىلايشا ەكونوميكالىق ءوسىم جان باسىنا شاققاندا 640،6 مىڭ تەڭگەگە تەڭ بولعان. مۇنىڭ 2017 جىلدىڭ ءتيىستى كەزەڭىمەن سالىستىرعاندا 9 ملرد 185،8 مىڭ تەڭگەگە نەمەسە 14،1 پايىزعا ارتىق ەكەنىن بايقاۋعا بولادى. سونىمەن قاتار، ونەركاسىپ سالاسىنادا 2018 جىلى 9 ايىندا 24 ملرد 503 ملن تەڭگەنىڭ ءونىمى ءوندىرىلىپ بىلتىرعى جىلدىڭ ءتيىستى كەزەڭمەن سالىستارعاندا 4 ملرد 777 ملن تەڭگەگە ارتتى، ال ناقتى كولەم يندەكسى 107،3 پايىزدى قۇرادى.

سونداي اق، اۋىلشارۋاشىلىق سالاسىنىڭ ءونىم كولەمى 2018 جىلدىڭ 9 ايىندا 25 ملرد 419،3 ملن تەڭگەنى قۇرادى. ناقتى كولەم يندەكسى 103،0 پايىزدى قۇرادى دەپ ەكونوميكا جانە قارجى ءبولىمىنىڭ باسشىسى مانسۇربەك اشراپوۆ باياندادى.

ال ەكەنشى ماسەلە اۋدانعا قاراستى قالا، اۋىلدىق وكرۋگتەرىندەگى ەلدى مەكەندەرگە سۋ ەسەپتەگىش قۇرالدارىن ورناتۋ بارىسى ءسوز بولىپ، بۇل جايىندا «لەنگەر سۋ» مەكەمەسىنىڭ ديرەكتورى اسىلبەك التايەۆ بايانداما جاسادى.  اۋدان اۋماعىنداعى 55 ەلدى مەكەننىڭ 52 ەلدى مەكەنى نەمەسە 94،5% ورتالىقتاندىرىلعان قۇبىر سۋىمەن قامتاماسىز ەتىلگەن.

جيىن قورىتىندىسى بويىنشا، اۋدان اكىمى باۋىرجان وماربەكوۆ اۋدان اكىمىنىڭ ورىنباسارلارى مەن دەربەس بولىمدەرى باسشىلارىنان حاتتامالىق تاپسىرمالاردىڭ ورىندالۋى بويىنشا سۇراقتار قويىپ، ءبىرقاتار تاپسىرمالار بەردى.

 

تولەبي اۋدانى اكىمدىگىنىڭ باسپا ءسوز قىزمەتى