تولەبي اۋدانى اكىمدىگىنىڭ كىشى ءماجىلىس زالىندا مۇگەدەكتەردى الەۋمەتتىك قورعاۋ سالاسىندا مەملەكەت تاراپىنان كورسەتىلىپ جاتقان قىزمەتتەردىڭ تيىمدىلىگىن ارتتىرۋ جانە بۇل باعىتتاعى كەمشىلىكتەردى بولدىرماۋ ماسەلەلەرىنە قاتىستى سەمينار جينالىس ءوتتى.

سەمينارعا اۋداندىق №9 مەديسينالىق ساراپتاما ءبولىمىنىڭ، الەۋمەتتىك تولەمدەردى قامتاماسىز ەتۋ بويىنشا تولەبي اۋداندىق ءبولىمىنىڭ، اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ جانە قالا ،اۋىل وكرۋگتەرىنىڭ الەۋمەتتىك سالا بويىنشا ماماندارى قاتىستى. سەميناردى اۋدان اكىمىنىڭ ورىنباسارى رابيعا بەيسەبايەۆا جۇرگىزىپ وتىردى.

2018 جىلدىڭ 16 قازانىنداعى اۋدان پروكۋرورى د.تىلەمىسوۆتىڭ مۇگەدەكتەردىڭ مۇددەلەرىن قورعاۋ جونىندەگى فۋنكسيالاردى جۇزەگە اسىراتىن قوعامدىق بىرلەستىكتەر جانە وزگە دە ۇيىمداردىڭ ءوزارا ءىس-قيمىل جاسالۋىنا جۋرگىزىلگەن تالداۋى بويىنشا بەرىلگەن ۇسىنىمىندا، اۋدان كولەمىندەگى مۇگەدەكتەر سانىنىڭ تولەبي اۋدانىنداعى №6 مەديسينالىق ساراپتاما ءبولىمى، الەۋمەتتىك تولەمدەردى قامتاماسىز ەتۋ بويىنشا تولەبي اۋداندىق ءبولىمى، تولەبي اۋداندىق جۇمىسپەن قامتۋ جانە الەۋمەتتىك باعدارلامالار بولىمىمەن قالا، اۋىل وكرۋگتەرىنىڭ الەۋمەتتىك سالا بويىنشا ماماندارىنىڭ ۇسىنىلعان مالىمەتتەرىنىڭ ايىرماشىلىعى كورسەتىلگەن.

ۇسىنىمداعى اتالعان كەمشىلىكتەردى جويۋ ماقساتىندا اۋداندىق جۇمىسپەن قامتۋ جانە الەۋمەتتىك باعدارلامالار ءبولىمى تاراپىنان اۋدانداعى مۇمكىندىگى شەكتەۋلى ازاماتتاردىڭ تىزىمدەرىن جيناقتاۋ ءۇشىن ارنايى جۇمىسشى توبى قۇرىلدى.

بۇل قۇرىلعان جۇمىسشى توبىنىڭ ماقساتى ءبولىم، اۋىل وكرۋگ اكىمدىكتەرى، №6 مەديسينالىق ساراپتاما ءبولىمى جانە زەينەتاكى تولەۋ ورتالىعى اراسىنداعى ءوزارا بايلانىستى جانداندىرىپ، اۋدانداعى مۇمكىندىگى شەكتەۋلى ازاماتتار تۋرالى سالىستىرمالى اكت ءتۇزىپ، قاجەتتى الەۋمەتتىك قولداۋلار كورسەتۋ.

سونداي-اق، اۋىل وكرۋگ اكىمدىكتەرى ۇنەمى اۋدانداعى مۇمكىندىگى شەكتەۋلى ازاماتتاردىڭ سانى مەن تىزىمدەرىن جاساقتاپ، تولەبي اۋداندىق جۇمىسپەن قامتۋ جانە الەۋمەتتىك باعدارلامالار بولىمىمەن №6 مەديسينالىق ساراپتاما بولىمىنە تاپسىرىپ وتىرۋ ءىس-شارا جوسپارى ءتۇزىلدى.

تولەبي اۋدانى اكىمدىگىنىڭ باسپا ءسوز قىزمەتى

 

تولەبي اۋدانى اكىمدىگىنىڭ باسپا ءسوز قىزمەتى