قر سىرتقى ٸستەر مينيسترٸ قايرات ەبدٸراحمانوۆ قىتايدا ۇستالعان 12 قازاقستان ازاماتىنىڭ 9-ى بوساتىلعانىن مەلٸمدەدٸ دەپ جازادى Sputnik قازاقستان.
مينيستر قوس ازاماتتىق العان ەتنيكالىق قازاقتاردىڭ مەسەلەسٸ ەلدٸڭ سىرتقى ساياسي ۆەدومستۆوسى مەن ٷكٸمەتٸنٸڭ باستى نازارىندا ەكەنٸن اتاپ ٶتتٸ.
"بٸز كٷن سايىن بۇل مەسەلە بويىنشا جۇمىس جٷرگٸزەمٸز. ٸسكە شەت ەلدەردٸڭ كونسۋلدىق قىزمەتتەرٸ, بٸزدٸڭ مەكەمەلەر تارتىلعان. ٷكٸمەتارالىق كەلٸسسٶزدەردە قاراستىرامىز. بٸزدٸڭ قحر-مەن ىنتىماقتاستىعىمىز تۋرالى ايتساق, كەلٸسسٶزدەر جٷرگٸزۋگە ەشقانداي كەدەرگٸ جوق. سەۋٸر ايىندا ەكٸ ماڭىزدى ٸسساپار بولدى. قازاقستاندىق دەلەگاتسييانىڭ قىتايعا ساپارى بارىسىندا بٸراز مەسەلە كٶتەرٸلدٸ. سونىڭ ٸشٸندە قىتايدا ۇستالعان 12 قازاقستان ازاماتىنىڭ مەسەلەسٸ قوزعالدى. قىتاي تاراپىنىڭ تٷسٸندٸرۋٸ بويىنشا, ولار قحر ازاماتتىعىنان شىعۋ پروتسەدۋراسىن دۇرىس رەسٸمدەمەگەن. كەلٸسسٶز نەتيجەسٸندە 9 ازاماتىمىز بوساتىلدى. قالعان ٷشەۋٸ بويىنشا تيٸستٸ شارالار جٷرگٸزٸلٸپ جاتىر", — دەدٸ ەبدٸراحمانوۆ.
ونىڭ ايتۋىنشا, سىرتقى ٸستەر مينيسترلٸگٸندە قيىندىققا تاپ بولعان 170-تەي ەتنيكالىق قازاق تۋرالى اقپارات بار.
"ولاردىڭ تۋىستارى بٸزگە جٷگٸندٸ, جۇرتشىلىقتان اقپارات الىپ جاتىرمىز. ولاردىڭ تاعدىرىنا بەي-جاي قارامايمىز. بٸراق سٸزدەر مىنانى تٷسٸنۋلەرٸڭ كەرەك, قىتاي ازاماتتارى تۋرالى سٶز بولعاندا, حالىقارالىق ۆەنا كونۆەنتسيياسىنا سەيكەس, باسقا مەملەكەتتٸڭ ٸشكٸ ٸستەرٸنە ارالاسۋعا جول بەرٸلمەيدٸ. سوندىقتان بۇل ٶتە نەزٸك مەسەلە", — دەدٸ مينيستر.
سۋرەت: azattyq.org
