بۇل يننوۆاسيالىق بوت كوممۋنيكاسيا سالاسىنداعى ۇلكەن جاڭالىق جانە ەرەكشە قاجەتتىلىگى بار ادامدار ءۇشىن، سونداي-اق قازاق تىلىندەگى اقپاراتقا تەز قول جەتكىزگىسى كەلەتىندەر ءۇشىن جاڭا مۇمكىندىكتەر بەرەدى.
Microsoft Azure ينتەگراسياسى ارقىلى Telegram-بوت قازاق تىلىندە جازىلعان ءماتىندى جوعارى دەڭگەيدە دىبىسقا اينالدىرىپ، تۇرلەندىرە الادى.
بۇل – قازاق تىلىندەگى كىتاپتاردى، جاڭالىقتار مەن ماقالالاردى، وقۋ ماتەريالدارىن جانە باسقا دا ماتىندەردى ءار ءتۇرلى جاعدايدا پايدالانۋعا مۇمكىندىك بەرەدى.
وسىعان وراي، پايدالانۋشىلار اتالعان بوتتى ءوز كونتاكتىلەرىنە قوسىپ، وعان بىردەن قازاق تىلىندەگى ءماتىندى جىبەرۋ ارقىلى جاڭا فۋنكسيونالدى قولدانا الادى.
بوتتى تەلەگرامم كانالىندا @kztts_bot اتاۋى ارقىلى تابۋعا بولادى. بوت ءماتىندى جىلدام ءارى ساپالى دىبىستاپ، پايدالانۋشىعا اۋديوفايلدى كەز-كەلگەن ۋاقىتتا تىڭداي الاتىنداي ەتىپ قايتا جولدايدى. قازىرگى ۋاقىتتا بوت ايگۇل مەن داۋلەتتىڭ داۋىسى ارقىلى دىبىستالادى.
بۇل پروگرەسسيۆتى Telegram-بوت قازاق تىلىندەگى اقپاراتقا قولجەتىمدىلىكتى ارتتىرۋ ءۇشىن جاڭا مۇمكىندىكتەر اشادى. ول كوپتەگەن ادامدار ءۇشىن پايدالى قۇرالعا اينالادى جانە سيفرلىق كوممۋنيكاسيالار داۋىرىندە قازاق مادەنيەتىنىڭ دامۋى مەن ساقتالۋىنا ىقپال ەتەدى.
