ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا مەملەكەتتىك ءتىلدىڭ قولدانىس اياسىن كەڭەيتۋ، جاستاردىڭ جەكە كوزقاراستارىن دالەلدەپ، تۇيىندەي بىلۋگە، ءسوز مادەنيەتىن ساقتاي بىلۋگە باۋلۋ، بىلىمدەرىن شىڭداي تۇسۋگە ۇيرەتۋ، وڭىرىمىزدە دەبات ويىندارىن جانداندىرۋ جانە دامىتۋ، جاستاردى جان-جاقتى ىزدەنۋگە وزەكتى ماسەلەلەردى تالقىلاۋعا تارتۋ ماقساتىندا كەنتاۋ قالاسىندا «ءتىل – پاراسات» بايقاۋى ءوتتى.

بايقاۋ دەبات تۇرىندە ۇيىمداستىرىلدى. دەباتقا كەنتاۋ كوپسالالى كوللەدجىنەن «بىرلىك» توبى جانە كەنتاۋ گۋمانيتارلىق تەحنيكالىق كوللەدجىنەن «بولاشاق» توبى قاتىستى.

سايىس ناتيجەسىندە «بىرلىك» توبى جەڭىمپاز اتانىپ، بارلىق قاتىسۋشىلار ديپلوم جانە سىيلىقتارمەن ماراپاتتالدى.

ەلباسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا: «ماقساتقا انىق جەتۋ ءۇشىن ءبىزدىڭ ىسىمىزدەن سانامىز الدا ءجۇرۋى كەرەك» دەپ اتاپ ءوتتى. ەندەشە رۋحاني جاڭعىرۋ سىندى ۇلى باستامانىڭ باستى جاڭالىعى لاتىن الىپبيىنە كوشۋ ارقىلى سانانى جاڭعىرتۋ. دەمەك قازاق ءتىلىن لاتىن الىپبيىنە كوشىرۋ الداعى مىندەتتەردىڭ بىرەگەيى دەپ ءبىلۋىمىز قاجەت» دەي كەلە باسقارما باسشىسى ءالىپبي اۋىستىرۋ بىزگە جات ەمەستىگىن، جاڭا الىپبيىگە كوشۋ الەم قازاقتارىنىڭ رۋحاني بىرلىگىنىڭ نەگىزى بولاتىنىن دا تىلگە تيەك ەتتى.

 

 

Dalanews.kz