قازاقستان قىتايدا ٸرٸ تەحنولوگييالىق كومپانييالاردىڭ بٸرٸ ByteDance-پەن كەلٸسسٶز جٷرگٸزگەن. بۇل تۋرالى قازاقتەلەكوم تٶراعاسى باعدات مۋسين مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, كەزدەسۋدە ەلەمدٸك تسيفرلىق ينفراقۇرىلىمنىڭ قالاي قۇرىلىپ جاتقانى تالقىلانعان. مۋسين قازٸرگٸ كەزەڭدە باستى باسىمدىق جىلدامدىق, تۇراقتىلىق جەنە سەرۆيستٸڭ پايدالانۋشىعا بارىنشا جاقىن بولۋى ەكەنٸن اتاپ ٶتتٸ. سونداي-اق, ول بۇل كەلٸسسٶزدەردٸڭ تەك پٸكٸر الماسۋمەن شەكتەلمەگەنٸن جەتكٸزدٸ.
«بٸز ٷشٸن پٸكٸر الماسۋ عانا ەمەس, وسىنداي ٸرٸ كومپانييالاردىڭ ٶز شەشٸمدەرٸن قالاي اۋقىمدايتىنىن جەنە ميلليونداعان قولدانۋشى دەڭگەيٸندە ترافيكتٸ قالاي باسقاراتىنىن تٷسٸنۋ ماڭىزدى بولدى», - دەدٸ ول.
مۋسيننٸڭ سٶزٸنشە, كەزدەسۋ بارىسىندا جاساندى ينتەللەكت قۇرالدارى, بۇلتتى تەحنولوگييالار جەنە ينفراقۇرىلىمدىق جوبالاردى بٸرلەسٸپ دامىتۋ مٷمكٸندٸكتەرٸ قاراستىرىلعان. بۇل باعىتتا داتا-ورتالىقتار, مۇنارالىق ينفراقۇرىلىم سەكٸلدٸ جوبالار دا سٶز بولعان.
سونىمەن قاتار, تاراپتار ناقتى مەسەلەلەرگە دە توقتالعان.
«سونىڭ بٸرٸ - بٸزدٸڭ اۆتونومدى جٷيەمٸز ٷشٸن جەرگٸلٸكتٸ CDN سەگمەنتٸن قۇرۋ تۋرالى كەلٸسٸم. بۇل سەرۆيستٸڭ ساپاسىنا تٸكەلەي ەسەر ەتەتٸن شەشٸم: كٸدٸرٸستٸ ازايتادى, جٷكتەلۋ جىلدامدىعىن ارتتىرادى جەنە پلاتفورمانىڭ تۇراقتى جۇمىسىن كٷشەيتەدٸ», - دەدٸ قازاقتەلەكوم باسشىسى.
ونىڭ ايتۋىنشا, مۇنداي شەشٸم ترافيكتٸڭ ەدەۋٸر بٶلٸگٸن ەل ٸشٸندە ۇستاپ, جٷكتەمەنٸ تيٸمدٸ باسقارۋعا مٷمكٸندٸك بەرەدٸ.
