تالعار ەكٸمٸ ارىستانبەك ەبٸلقايىرۇلى حالىقپەن تٸلدەسۋدٸڭ جاڭا فورماتىنا كٶشكەن, ەكٸمنٸڭ ۆيدەولارى جەلٸدە كٶپ قارالىم جيناپ جاتىر, – دەپ حابارلايدى Dalanews.kz.
قالا باسشىسى "akim_goroda_talgar" اتاۋىمەن جەلٸدەگٸ پاراقشاسىن بەلسەندٸ جٷرگٸزەدٸ. TikTok جەلٸسٸندە 30 مىڭعا جۋىق وقىرمان جيناعان, ال ۆيدەولارىنىڭ قارالىمى بٸرنەشە جٷز مىڭنان اسىپ كەتەدٸ. ارىستانبەك ەبٸلقايىرۇلى جەلٸدە تۇرعىنداردىڭ سۇراقتارىنا جاۋاپ بەرٸپ, تٸپتٸ بٸر ازاماتتى ٷيٸنە ٸزدەپ كەلگەن.
قالا تۇرعىندارىنىڭ بٸرٸ ٶزٸ تۇراتىن كٶشە لاس ەكەنٸن ايتىپ شاعىمدانعان. "لەۆيتانا كٶشەسٸن كٶرشٸ, قانداي لاس?!" دەگەن تۇرعىننىڭ سۇراعىنا ەكٸم بىلاي جاۋاپ قاتقان:
"مارس, كەلە جاتىرمىن, قارسى ال. ٷيدەسٸڭ بە? شىق. قازٸر لەۆيتانا كٶشەسٸنە كەلەمٸز. بەس مينۋتتا بولامىن", - دەيدٸ ەكٸم ۆيدەودا.
ەكٸمدٸ قوناققا شاقىرعان تالعارلىق ٷيٸندە جوق بولىپ شىقتى, ول ەكٸمنٸڭ ۆيدەوسىنا "مەن جۇمىستامىن عوي" دەپ جازىپ جٸبەرگەن.
"مارس, سەنٸكٸنە كەلٸپ تۇرمىن. كٶشەنٸڭ اعاشىن, تازالىعىن كٶرٸپ وتىرمىن. ۋاقىتىڭ بولعان كەزدە كەلەمٸز", - دەيدٸ ەكٸم.
Tengrinews.kz-كە بەرگەن سۇحباتىندا ەكٸم ەلەمجەلٸدەگٸ بەلسەندٸلٸگٸن تٷسٸندٸرٸپتٸ. ەكٸم ەلەۋمەتتٸك جەلٸدە مۇنداي تانىمالدىلىققا ەلٸ ٷيرەنبەگەن, بٸراق بۇل وعان كٷندەلٸكتٸ جۇمىسىن حالىقپەن بٶلٸسۋگە مٷمكٸندٸك بەرەتٸنٸن جەتكٸزدٸ.
"پاراقشانى العاش اشقان كەزدە تانىستارىمنان 36 ادام بولدى. كەيٸن ادامدار اقىرىنداپ قوسىلا باستادى, ال كەيٸنگٸ ەكٸ اپتادا كٶپ تٸركەلدٸ. حالىقتىڭ شاعىمدارىنا ۋاقىتىندا جاۋاپ بەرٸلسە, قالادا شيەلەنٸس بولمايدى دەپ ويلايمىن", - دەيدٸ ول.
ەكٸمگە كونتەنت بويىنشا SMM-مەنەدجەر كٶمەكتەسەدٸ ەكەن. قالا باسشىسىنىڭ سٶزٸنشە, بۇل سونىڭ يدەياسى بولعان.
ارىستانبەك ەبٸلقايىرۇلى تۋرالى نە بەلگٸلٸ?
ول 1983 جىلى دٷنيەگە كەلگەن. ماماندىعى - ەكولوگ.
- 2005-2006 جىلدار ارالىعىندا «MAG group» قۇرىلىس كومپانيياسىندا ەڭبەك جولىن باستاعان;
- 2006-2009 جىلدار ارالىعىندا ٷكٸمەتتٸك تەجٸريبەلٸك شارۋاشىلىعىندا ديرەكتور كٶمەكشٸسٸ قىزمەتٸن اتقارعان;
- 2009-2023 جىلدار ارالىعىندا تالعار قالاسىنداعى «مارات» ٶندٸرٸستٸك كووپەراتيۆٸندە دامۋ مەنەدجەرٸ بولىپ, وسى كەسٸپورىننىڭ ورىنباسارى لاۋازىمىنا دەيٸن كٶتەرٸلگەن;
- 2023 جىلدان باستاپ «تالعار تۇرعىن ٷي» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ باس ديرەكتورى قىزمەتٸن اتقارعان.
- 2024 جىلى 18 جەلتوقساننان باستاپ قازٸرگە دەيٸن تالعار قالاسىنىڭ ەكٸمٸ.
