COVID-19 ۆيرۋسىنىڭ تارالعان سەتتەن باستاپ قوعامدىق ورتادا ٸندەت جاقىن ۋاقىتتا ادامزات بالاسىنىڭ مٸنەز-قۇلقى مەن تۇتىنۋشىلىق ەرەكەتٸن ٶزگەرتٸپ, ادام ساناسىنداعى جاۋاپكەرشٸلٸك مٸندەتٸن ارتتىرا تٷسكەنٸنە كٶزٸمٸز جەتە تٷستٸ. ەربٸر ادامنىڭ جەكە جاۋاپكەرشٸلٸگەنەن باستاپ, وقشاۋلاۋ ەرەجەلەرٸ مەن دٷنيەجٷزٸ دەنساۋلىق ساقتاۋ ۇيىمى ۇسىنعان ۇسىنىستار, ٷكٸمەتتٸك دەڭگەيدە قابىلدانعان اسا جاۋاپتى شەشٸمدەر دەنساۋلىق ساقتاۋ جٷيەسٸندەگٸ جاپپاي كەرٸ كەتۋشٸلٸكتٸڭ الدىن الۋعا باعىتتالدى.
جەكەلەگەن جايتتار بويىنشا بيزنەسكە دە جاۋاپكەرشٸلٸك جٷگٸ ارتىلدى. ايتالىق, تٶتەنشە جاعداي كەزٸندە جۇمىسىن جالعاستىرعان بٸرقاتار كەسٸپورىندار ەڭبەك قاۋٸپسٸزدٸك قامتاماسىز ەتۋ, سونىمەن قاتار ەڭبەك پەرسونالىنىڭ عانا ەمەس تۇتاس قوعامنىڭ دەنساۋلىعىن قورعاۋعا مٸندەتٸن موينىنا الدى.
ولار – بٸر رەتتٸك مەديتسينا قىزمەتكەرلەرٸنە ارنالعان كوستيۋمدەر, بەتپەردە, رەسپيراتورلار, رەانيماتسييالىق جەنە رەسپيراتورلىق قۇرىلعىلار, جەدەل كٶمەك كٶرسەتەتٸن ەكٸ جەدەل جەردەم كٶلٸگٸ, تەپلوۆيزورلار, زاراسىزداندىرۋ قۇرالدارى جەنە بيولوگييالىق ماتەريالداردى تاسمالدايتىن ارنايى كونتەينەرلەر.
اتىراۋ وبلىسى تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنە (سەس) بٸر تەرموسكانەر مەن سەگٸز پيرومەتر تاپسىرىلدى. تٷسٸنٸكتٸ بولۋى ٷشٸن ايتا كەتەيٸك, تەرموسكانەر مەن پيرومەترلار بايلانىسسىز ادامداردىڭ قىزۋىن انىقتاۋعا جەردەمدەسەدٸ. ادامدار كٶپ جينالعان جەرلەردە تەرموسكانەرلەر بٸر سەتتە بٸرنەشە ادامنىڭ قىزۋىن تەكسەرەۋگە مٷمكٸندٸك بەرسە, پيرومەترلار جەكەلگەن ادامداردىڭ قىزۋىن انىقتايدى.
2020 جىلدىڭ سەۋٸر ايىنىڭ العاشقى جارتىسىنا دەيٸن اتىراۋ وبلىستىق تجق-نىڭ تٶتەنشە جاعداي بويىنشا بٶلٸمٸنٸڭ قاۋٸپسٸز جۇمىس ٸستەۋٸ ٷشٸن قاجەتتٸ قورعانىس قۇرالدارىن (مەديتسينالىق بەتپەردە مەن قولعاپتار), پيرومەترلەر, قولدى ٶڭدەۋگە قاجەتتٸ انتيسەپتيكتەر جەتكٸزٸپ بەردٸ.
ٸندەت تاراعاندا ۆيرۋسقا شالدىققان ادامداردى دەل انىقتاپ, دياگنوستيكالاۋ اسا ماڭىزدى ٸس ەكەنٸ بەلگٸلٸ. وسى ماقساتقا قول جەتكٸزۋ ٷشٸن «ۇلتتىق ساراپتاۋ ورتالىعىنىڭ» اتىراۋ وبلىسىنداعى فيليالىنا COVID-19 ۆيرۋسى بويىنشا انىقتايتىن قۇرىلعى مەن تەستٸلەۋگە قاجەتتٸ ماتەريالدار جەتكٸزٸلدٸ. ورتالىققا قايتارىمسىز تارتۋ ەتٸلگەن قۇرىلعىنىڭ قۇنى 500 ملن تەڭگە تۇرادى.
امپليفيكاتورلى وپتيكالىق جٷيەگە نەگٸزدەلگەن Rotor-Gene 6000 قۇرىلعىسى اۆسترالييادا ٶندٸرٸلگەن, اتالعان قۇرىلعى پوليمەرلٸ تٸزبەكتٸ رەاكتسيياعا (پتر) ساراپتاما جاساپ, ۆيرۋستى تەز, ەرٸ دەل انىقتاۋعا مٷمكٸندٸك بەرەدٸ. وسى رەتتە ايتا كەتۋٸمٸز كەرەك, قۇرىلعى كوروناۆيرۋستان باسقا ۆيرۋستاردى دا انىقتاپ بەرەتٸنٸمەن ەرەكشەلەنەدٸ. تشو كومپانيياسى «ۇلتتىق ساراپتاۋ ورتالىعىنىڭ» اتىراۋ وبلىسىنداعى فيليالىنا جۇمىس ٸستەۋگە قاجەتتٸ رەاگەنتتەر, سىناما الاتىن تەرموكونتەيرلەر, قورعانىس كوستيۋدەرٸ, مەديتسينا قىزمەتكەرلەرٸنە قاجەتتٸ قۇرالدار مەن انتيبيوتيكتەرمەن دەر كەزٸندە قامتاماسىز ەتٸلدٸ. سونىمەن قاتار كومپانييا ماماندار مەن الىنعان سىنامالاردى تەۋلٸك بويىن تاسىمالداۋ ٸسٸن دە ۇيىمداستىرعانىن ايتا كەتۋٸمٸز كەرەك.
كوروناۆيرۋسقا شالدىققان جاندى ەرتە باستان انىقتاپ, دەل ۋاقىتىندا وقشاۋلاپ, قاجەتتٸ ەم-شارالارىن جٷرگٸزگەن سەتتە ٸندەتتٸڭ تارالۋىن ايتارلىقتاي تٶمەندەتۋگە بولادى. مامانداردىڭ ايتۋىنشا, ٸندەت جۇقتىرۋ كەزٸندە بەس وقيعانىڭ بٸرەۋٸندە ەشقانداي بەلگٸلەر بايقالماي, ٸندەت جۇقتىرعان ادام ۆيرۋس تاراتۋشى بولۋى مٷمكٸن.
رزابەك ارتىعاليەۆ, «تەڭٸزشەۆرويل» جشس-نٸڭ ٷكٸمەتپەن جەنە قوعاممەن بايلانىس جٶنٸندەگٸ بٶلٸمٸنٸڭ باس مەنەدجەرٸ:
– ەلەۋمەتتٸك جاۋاپكەرشٸلٸك تشو-نىڭ قابىلدايتىن شەشٸمدەرٸنٸڭ ٸشٸندەگٸ ماڭىزدى پريتسيپتەرٸنٸڭ بٸرٸ بولعاندىقتان, ەلٸمٸزدە تٶتەنشە جاعداي رەجيمٸ جارييالانعان كٷننەن باستاپ بٸزدەر ٸسكە كٸرٸسٸپ كەتتٸك. كەز كەلگەن ۇيىم ٷشٸن قالىپتى جۇمىس ىرعاعىنىڭ ساقتالۋى ماڭىزدى. سول سەبەپتٸ بٸزدەر كومپانييادا جۇمىس ٸستەيتٸن ەربٸر قىزمەتكەردٸڭ قاۋٸپسٸزدٸگٸن قامتاماسىز ەتۋگە نازار اۋداردىق. سونىمەن قاتار كٷن سايىن ٶز ەڭبەگٸمەن مىڭداعان ادامدى قۇتقارىپ, قاۋٸپ-قاتەرگە باس تٸگٸپ جٷرگەن دەرٸگەرلەرگە كٶمەك كٶرسەتۋگە دە كٷش سالدىق. كوروناۆيرۋسپەن كٷرەستە ٶلشەۋسٸز ٷلەس قوسقان جاندارعا كومپانييامىزدىڭ اتىنان العىس ايتامىز. بۇل باعىتتا اتقارىلعان وراسان زور جۇمىستار اتىراۋ وبلىسىندا ٸندەتتٸڭ كەڭ تارالماۋىنا توسقاۋىل بولعانى انىق.
سٶز سوڭىندا مٸندەتتٸ ەلەۋمەتتٸك اراقاشىقتى ساقتاۋ جەنە قاجەتتٸ وقشاۋلانۋ بۇل ادامداردىڭ بٸر-بٸرٸمەن بٶلەكتەنۋٸ ەمەس ەكەنٸن ايتقىم كەلەدٸ. كەرٸسٸنشە, بۇل شارالار الداعى ۋاقىتتا ٸندەتتٸ جۇقتىرماي ەركٸن ٶمٸر سٷرٸمٸزدٸ قامتاماسىز ەتەتٸن ٸستەر ەكەنٸن تٷسٸنۋٸمٸز كەرەك. الداعى ۋاقىتتا تەڭٸزشەۆرويل ٶزٸنٸڭ ٸس-ەرەكەتٸمەن پاندەمييانى جەڭۋ جولىنداعى ورتاق ٸسكە ٶزگە كومپانييالاردىڭ دا تارتىلۋىنا ىقپال ەتەدٸ دەپ ٷمٸتتەنەمٸن.
