اقش-تىڭ Chevron كومپانيياسى قازاقستان بيلٸگٸمەن "تەڭٸز" كەن ورنى بويىنشا كەلٸسٸمشارتتىڭ بولاشاعىن تالقىلاۋعا كٸرٸستٸ. قولدانىستاعى كەلٸسٸم 2033 جىلى اياقتالادى, ال الداعى جەتٸ جىل تاراپتار ٷشٸن شەشۋشٸ كەزەڭ سانالادى, دەپ حابارلايدى Dalanews.kz.
"تەڭٸز" قازاقستان ەكونوميكاسىنداعى ستراتەگييالىق نىسانداردىڭ بٸرٸ. ول ەلدٸڭ جالپى ٸشكٸ ٶنٸمٸنٸڭ شامامەن 10 پايىزىن قالىپتاستىرىپ, تەۋلٸگٸنە ميلليون باررەلگە جۋىق مۇناي ٶندٸرۋگە ٷلەس قوسادى. قاراپايىم تٸلمەن ايتقاندا, ەكونوميكاداعى ەربٸر ونىنشى تەڭگە تەڭٸزبەن تٸكەلەي نەمەسە جاناما بايلانىستى.
Chevron بۇل جوبادا ونداعان جىل بويى جۇمىس ٸستەپ كەلەدٸ. وسى ۋاقىت ٸشٸندە كومپانييا تەڭٸزدٸ كەڭەيتۋگە شامامەن 48 ملرد دوللار ينۆەستيتسييا سالعان. بۇل باستاپقى جوسپاردان 11 ملرد دوللارعا ارتىق. جوبا ەلەمدەگٸ ەڭ قىمبات ەرٸ اۋقىمدى مۇناي باستامالارىنىڭ بٸرٸنە اينالدى. قازٸر تاراپتار كەلەسٸ كەزەڭنٸڭ شارتتارىن تالقىلاپ جاتىر.
كەلٸسسٶزدەردٸڭ دەل قازٸر باستالۋىنا بٸرنەشە فاكتور ەسەر ەتتٸ. بٸرٸنشٸدەن, قازاقستاندىق مۇناي ەكسپورتىنىڭ وسال تۇستارى ايقىن كٶرٸنە باستادى. نەگٸزگٸ كٶلەم ٶتەتٸن كاسپيي قۇبىر كونسورتسيۋمى باعىتى ارقىلى تاسىمال رەسەي اۋماعىنا تەۋەلدٸ, ال نوۆوروسسييسك تەرمينالىنا جاسالعان درون شابۋىلدارى تەۋەكەلدٸ كٷشەيتتٸ.
ەكٸنشٸدەن, قازاقستان وپەك+ اياسىندا ٶندٸرۋ كۆوتالارىن ساقتاۋ مەسەلەسٸندە قىسىمعا جيٸ ۇشىراپ وتىر. ەلدٸ ليميتتەن اسىپ كەتتٸ دەپ ايىپتايتىن پٸكٸرلەر كٷشەيگەن.
ساراپشىلاردىڭ ايتۋىنشا, Chevron جوبادان كەتسە, ونى الماستىرۋ وڭاي بولمايدى. ەڭگٸمە تەك قارجىدا ەمەس, باسقارۋ تەجٸريبەسٸ, تەحنولوگييا جەنە ادام رەسۋرستارى تۋرالى. مۇندا تۇتاس سالانىڭ تيٸمدٸلٸگٸ تارازىعا تٷسەدٸ.
Chevron باسشىلىعى بولسا, تەڭٸز ەلٸ دە ەلەۋەتٸن تولىق اشقان جوق دەپ سانايدى. كومپانييا دەرەگٸنشە, ٶندٸرٸس ٶسٸپ كەلەدٸ, قۋاتتار كەڭەيتٸلگەن, ال ينفراقۇرىلىم كەن ورنىنىڭ ەرەكشەلٸكتەرٸنە بەيٸمدەلگەن.
اقش ەنەرگەتيكالىق اقپارات باسقارماسىنىڭ باعالاۋىنشا, قازاقستانداعى مۇناي قورى شامامەن 30 ملرد باررەلدٸ قۇرايدى. بۇل ەلەمدٸك رەكورد ەمەس, الايدا كاسپيي ٶڭٸرٸندەگٸ ەلدٸ نەگٸزگٸ ويىنشىلار قاتارىنا قوساتىن ايتارلىقتاي كٶلەم.
سالىستىرۋ ٷشٸن, مۇناي قورى ەڭ كٶپ ەلدەر قاتارىندا ۆەنەسۋەلا 303 ملرد باررەلمەن كٶش باستايدى. ودان كەيٸن ساۋد ارابيياسى, يران, كانادا جەنە يراك تۇر.
ساراپشىلاردىڭ پٸكٸرٸنشە, تەڭٸز بويىنشا كەلٸسسٶزدەر تەك بٸر كەن ورنىنىڭ ەمەس, جالپى قازاقستاندىق مۇناي سەكتورىنىڭ بولاشاعىن ايقىندايدى.
