Home Credit Bank دەپوزيتتىك سەرتيفيكات يەلەرى ءۇشىن ءتيىمدى اكسيا باستادى

1 قاراشا مەن 31 جەلتوقسان ارالىعىندا Home Credit Bank بانكتىك دەپوزيت سەرتيفيكاتىن (بدس) ساتىپ الاتىن كليەنتتەر ءۇشىن اكسيا وتكىزەدى. قارجى ۇيىمىنداعى ماماندار وسى ءونىمنىڭ ەرەكشەلىكتەرى مەن اكسيا شارتتارىن تولىق ءتۇسىندىرىپ بەردى.

دەپوزيتتىك سەرتيفيكات VS دەپوزيت

اتاۋىندا «دەپوزيت» دەگەن ءسوز بولعانىمەن، بانكتىك دەپوزيتتىك سەرتيفيكات دەپوزيت بولىپ تابىلمايدى. بۇل بانك شىعاراتىن اتاۋلى، ەميسسيالىق ەمەس باعالى قاعاز. ونىڭ بەلگىلى ءبىر اينالىم مەرزىمى بار جانە يەسىنە مەرزىمنىڭ سوڭىندا نومينالدى قۇنىن، سونداي-اق شارتقا سايكەس سىياقى الۋعا قۇقىق بەرەدى.

بدس-تىڭ دەپوزيتتەن نەگىزگى ايىرماشىلىعى – ونى مەرزىمىنەن بۇرىن شەشىپ الا المايسىز جانە اقشا تولتىرا المايسىز. مىسالى، بانك سالىمدارىنىڭ جەكەلەگەن تۇرلەرى بويىنشا كليەنتتەر قوسىمشا سومالاردى سالۋعا، سونداي-اق كەلىسىمنىڭ مەرزىمى اياقتالعانعا دەيىن اقشانى ءىشىنارا الۋعا قۇقىلى. ياعني كوپتەگەن كليەنتتەر ءۇشىن بۇل ىڭعايلى جانە تانىس فورمات. ءبىراق بدس-تىڭ باسقا ارتىقشىلىقتارى بار.

بىرىنشىدەن، Home Credit Bank ماماندارى تۇسىندىرگەندەي، دەپوزيتتىك سەرتيفيكاتپەن اقشا جاقسى ۇنەمدەلەدى. سەبەبى، اقشانى جىرىمداپ الا المايسىز. ءتىپتى، «ستاندارتتى» بدس بويىنشا كەلىسىم-شارت ەرتە بۇزىلسا، سىياقى 0% ستاۆكاسىمەن ەسەپتەلىنەدى. ال اقشا ءوتىنىش بەرگەن كۇننەن باستاپ 31 كۇنتىزبەلىك كۇن ىشىندە قايتارىلادى.

ەكىنشىدەن، بۇل ءونىمنىڭ پايىزدىق مولشەرلەمەسى جوعارى. سول سەبەپتى، اقشانى تەڭگەمەن ساقتاۋ ءتيىمدى. «ستاندارتتى» دەپوزيتتىك سەرتيفيكات ءۇشىن بانك 17،5%، ال «يكەمدى» سەرتيفيكات ءۇشىن 16،5% سىياقى بەلگىلەدى.

ۇشىنشىدەن، سىياقى بدس ۇستاۋشىنىڭ شوتىنا تىكەلەي اۋدارىلادى. ياعني، اعىمداعى شىعىندار ءۇشىن قولما-قول اقشانىڭ بولۋى وتە ىڭعايلى. سىياقى قانشا بولۋى مۇمكىن ەكەنىن ءتۇسىندىرۋ ءۇشىن بانك مىناداي ەسەپ-قيساپ جۇرگىزدى: ەگەر ءسىز 10 ميلليون تەڭگەگە دەپوزيتتىك سەرتيفيكات ساتىپ الساڭىز، وندا بانك اي سايىن شوتىڭىزعا 133 698 تەڭگە (ءبىر ايداعى كۇندەر سانىنا بايلانىستى) ەسەپتەپ وتىرادى.



نەگە نازار اۋدارۋ كەرەك

Home Credit Bank نازار اۋداراتىن ماڭىزدى جايت بار. دەپوزيتتىك سەرتيفيكاتقا قازاقستاننىڭ دەپوزيتتەرگە كەپىلدىك بەرۋ قورى (KDIF) كەپىلدىك بەرمەيدى. سەبەبى، ول دەپوزيت ەمەس. «ءبىراق بۇل جوعارى سىياقى ءۇشىن ءسىزدىڭ تولەيتىن باعاڭىز»، - دەپ تۇسىندىرەدى بانك.

قازاقستاننىڭ دەپوزيتتەرگە كەپىلدىك بەرۋ قورىنىڭ (KDIF) قاراشا ايىنا ارنالعان ۇسىنىمدارىنا سايكەس 17،5% مولشەرلەمە سىياقىنى تەك تولىقتىرۋ مۇمكىندىگىنسىز ءۇش جانە التى ايعا اشىلعان جيناق سالىمدارى عانا تولەي الۋى مۇمكىن. ال 16،5% سىياقىنى - ءۇش جانە التى ايعا تولىقتىرۋ مۇمكىندىگىنسىز اشىلاتىن مەرزىمدى دەپوزيتتەر ۇسىنادى.

بدس پەن دەپوزيت اراسىندا باسقا دا ايىرماشىلىقتار بار. دەپوزيتتەر بويىنشا اي سايىنعى كاپيتاليزاسيا ءجۇرىپ تۇرا الادى. ال بدس سىياقىنى كاپيتالداندىرمايدى. سىياقى دەپوزيتتىك سەرتيفيكاتتى ساتىپ العان كۇننەن باستاپ اي سايىن كليەنتتىڭ اعىمداعى شوتىنا ءتۇسىپ وتىرادى. جانە كليەنت بۇل سومانى ەركىن پايدالانا الادى. كەيبىر دەپوزيتتەر ءۇشىن شارتتار مەن مەرزىمدى اۆتوماتتى ۇزارتۋ قاراستىرىلعان. بدس-تە ونداي جوق. سونىمەن بىرگە، Home Credit Bank دەپوزيتتەرىنە اقشانى تەڭگەمەن دە، شەتەل ۆاليۋتاسىمەن دە ورنالاستىرۋعا بولادى. ال بدس تەك تەڭگەمەن جۇمىس ىستەيدى.

اكسيا شارتتارى

Home Credit Bank 2018 جىلدان بەرى بانكتىك دەپوزيتتىك سەرتيفيكاتتاردى ساتۋمەن اينالىسادى. بانك ماماندارى تۇسىندىرگەندەي، بۇل ءونىم ەڭ الدىمەن قارجىلىق ساۋاتى بار، ورتاشا نەمەسە جوعارى تابىسى بار، ەكونوميكالىق بەلسەندى ورتا جاستاعى ادامدارعا قىزىق. ءونىمنىڭ ورتاشا چەگى 6-7 ميلليون تەڭگەنى قۇرايدى.

[perfectpullquote align="full" bordertop="false" cite="" link="" color="" class="" size=""] بانك 1ء-شى قاراشادا وسى اكسيانى باستادى. ەندى «ستاندارتتى» بانكتىك دەپوزيت سەرتيفيكاتىن ساتىپ العان كليەنتتەر كەپىلدىك بەرىلگەن مىناداي سىيلىققا يە بولادى:

• 9 000 000 تەڭگەدەن 14 999 000 تەڭگەگە الىنعان بدس-قا – Samsung سمارتفونى؛


• 15 000 000 تەڭگەدەن استام سومادا الىنعان بدس ءۇشىن - Lenovo نەمەسە HP نوۋتبۋگى.

[/perfectpullquote]


اكسياعا جەكە تۇلعالار – قازاقستان ازاماتتارى جانە ازاماتتىعى جوق تۇلعالار قاتىسا الادى. بانكتىك دەپوزيت سەرتيفيكاتىن بانك بولىمشەلەرىندە دە، ءموبيلدى قوسىمشادا دا اشۋعا بولادى. اكسيا 2022 جىلدىڭ 31 جەلتوقسانىن قوسا العاندا ەكى اي ىشىندە جۇرەدى. اكسيا «ستاندارتتى» بانكتىك دەپوزيت سەرتيفيكاتىن قامتيدى.

سەرتيفيكات سىياقىسى - 17،5%، مەرزىمى - 12 اي.