قازاقستاندا بٸرىڭعاي جيناقتاۋشى زەينەتاقى قورىنىڭ ينۆەستيتسييالىق تابىسى تەڭگەنٸڭ نىعايۋىنا بايلانىستى شامامەن 240 ملرد تەڭگەگە ازايدى, دەپ حابارلايدى Dala News.
ۇلتتىق بانك تٶراعاسىنىڭ ورىنباسارى ەلييا مولدابەكوۆا مەلٸمەتٸنشە, قور اكتيۆتەرٸنٸڭ شامامەن 40%-ى شەتەل ۆاليۋتاسىندا ورنالاستىرىلعان.
قاڭتار-ناۋرىز ارالىعىندا تەڭگە دوللارعا شاققاندا شامامەن 5,5%-عا نىعايعان. سونىڭ سالدارىنان ۆاليۋتالىق اكتيۆتەر تەڭگەگە شاققاندا قايتا باعالانىپ, كٶرسەتكٸش تٶمەندەگەن.
ۇلتتىق بانكتە بۇل ناقتى شىعىن ەمەس ەكەنٸن اتاپ ٶتتٸ.
«بۇل – قاعاز جٷزٸندەگٸ قايتا باعالاۋ ەسەرٸ. جالپى ينۆەستيتسييالىق تابىس وڭ دەڭگەيدە قالىپ وتىر», – دەدٸ مولدابەكوۆا.
جىل باسىنان بەرٸ قوردىڭ ينۆەستيتسييالىق تابىسى شامامەن 272 ملرد تەڭگەنٸ قۇراعان.
