تەمٸرتاۋ قالاسىندا بٸرنەشە جىلدان بەرٸ اياقتالماي كەلە جاتقان دەمالىس الاڭى تۇرعىنداردىڭ اشۋىنا تيدٸ. مەملەكەتتٸك بيۋدجەتتەن بٶلٸنگەن 423,5 ميلليون تەڭگەگە قاراماستان, جوبا تولىق اياقتالماعان, دەپ حابارلايدى Dalanews.kz.
قازٸرگٸ تاڭدا ساياباقتا اعاشتار قۋراپ, اينالاسى ارامشٶپ پەن قوقىسقا تولعان. ەڭ قاۋٸپتٸسٸ – بالالار اشىق جاتقان ەلەكتر سىمدارىنىڭ جانىندا ويناپ جٷر.
جوبانى ەكٸ جىل ٸشٸندە اياقتاۋ جوسپارلانعان. الايدا قۇرىلىس باستالعانىنا ٷش جىل ٶتسە دە, ساياباق ەلٸ حالىق يگٸلٸگٸنە بەرٸلگەن جوق. مەردٸگەر رەتٸندە ەلورداداعى «يكاس» جشس كومپانيياسى تاڭدالعان.
"حالىقتىڭ 500 ميلليون تەڭگەسٸ قايدا كەتتٸ? قايدا سول اقشا? ٷش جىلدا نەگە بۇل جەر اياقتالمادى? بۇل الاڭ سونشا قاراجاتتى تالاپ ەتەدٸ دەپ ويلامايمىن", – دەيدٸ اشىنعان جەرگٸلٸكتٸ تۇرعىنداردىڭ بٸرٸ.
ولاردىڭ ايتۋىنشا, الاڭدا تەك قۋراعان قايىڭدار مەن ارامشٶپ, جەردەن شىعىپ جاتقان ەلەكتر سىمدارى جەنە سىنعان قۇرىلىمدار عانا بار. تۇرعىندار بۇل جاعدايعا اۋدان دەپۋتاتى الەكسەي لوماكين مەن قالالىق ەكٸمدٸكتٸ تٸكەلەي جاۋاپتى دەپ سانايدى.
"ٷش جىلدا مىنا كٸشكەنتاي الاڭدى رەتكە كەلتٸرە الماۋ – ۇيات. قاراپايىم شارشى مەتر. باسقا ەلدەردە بٷتٸن قالالار مەن شاعىن اۋداندار سالىنىپ جاتىر. ال بٸزدە بٸر ساياباقتى بٸتٸرۋ ٷش جىلعا سوزىلادى. بۇل كٷلكٸلٸ ەمەس پە?", – دەيدٸ تاعى بٸر تۇرعىن.
الاڭدا ورناتىلعان بەينەباقىلاۋ كامەرالارى دا جۇمىس ٸستەمەيدٸ, بٸراق ولاردىڭ قىزمەتٸنە بيۋدجەتتەن قاراجات بٶلٸنٸپ جاتىر. بۇل دا تۇرعىنداردىڭ نارازىلىعىن كٷشەيتكەن.
ساياباق رەسمي تٷردە پايدالانۋعا بەرٸلمەگەندٸكتەن, ونى كٷتٸپ-ۇستاۋ مەن تازالىق جۇمىستارى مەردٸگەر كومپانييانىڭ جاۋاپكەرشٸلٸگٸندە. الايدا جەرگٸلٸكتٸ حالىق مەردٸگەر دە, ەكٸمدٸك تە, دەپۋتاتتار دا جوبانى اياقتاۋعا ەندٸ مٷددەلٸ ەمەس دەپ ەسەپتەيدٸ.
