"سامۇرىق-قازىنا" قورى، "قازاقتەلەكوم" جانە قاتارلىق Power International holding WLL اراسىندا كەلىسىمگە قول قويىلدى. بۇل تۋرالى "سامۇرىق-قازىنا" قورىنىڭ Telegram كانالىندا جازدى، دەپ حابارلايدى Dalanews.kz.
حولدينگ "قازاقتەلەكومنان" "موبايل تەلەكوم-سەرۆيس" (تەلە2 جانە التەل)كومپانياسىن ساتىپ الۋدى جوسپارلاپ وتىر.
"قازاقتەلەكوم" كومپانيالار توبىنا كىرەتىن وپەراتورلاردىڭ ءبىرى ساتىلاتىنى تۋرالى اقپارات تاراعانىنا ءبىراز ۋاقىت بولدى، ءبىراق بۇل ماسەلە بويىنشا ناقتى شەشىم ءالى جاريالانعان جوق.
وسى جىلدىڭ 20 قاڭتارىندا ەكونوميكانى جاڭعىرتۋ جونىندەگى مەملەكەتتىك كوميسسيانىڭ وتىرىسىندا "موبايل تەلەكوم-سەرۆيس" جشس-ىن ساتۋ تۋرالى شەشىم قابىلداندى، ال كەشە قاتاردا "قازاقتەلەكوم"، "سامۇرىق-قازىنا" جانە Power International Holding قول قويىلعان كەلىسىم اياسىندا "مت-س" كاپيتالىنداعى 100% ۇلەستى ساتۋ بويىنشا ىنتىماقتاستىق پەن ءوزارا ءىس-قيمىل شارتتارى تۋرالى كەلىسىم جاسادى.
قۇجاتقا سايكەس، PIH وپەراتوردىڭ بيزنەس ءپروفيلىن جانە قىزمەتكەرلەرىن ساقتاپ قالۋعا، كومپانيانى قايتا ساتپاۋعا نەمەسە سەنىمگەرلىك باسقارۋعا بەرمەۋگە مىندەتتەنەدى.
"ءبىز جۋىردا كەلىسسوزجۇرگىزۋگە كىرىستىك، ارينە، بۇگىنگى كەلىسىم تەك Power International Holding-پەن مامىلە جاساۋ تۋرالى نيەتىمىزدى ايقىندايدى. بولاشاقتا ساتۋ جانە ساتىپ الۋدىڭ بارلىق شارتى مەن ءتارتىبىن تالقىلاپ، بەكىتۋ قاجەت بولادى، سوندىقتان ناقتى سيفرلار مەن مامىلە سوماسى تۋرالى ايتۋعا ءالى ەرتە"، - دەپ اتاپ ءوتتى "قازاقتەلەكوم" اق باسقارما ءتوراعاسى قۋانىشبەك ەسەكەيەۆ.
