"Samuryq-Qazyna" qory, "Qazaqtelekom" jáne qatarlyq Power International holding WLL arasynda kelisimge qol qoiyldy. Bul týraly "Samuryq-Qazyna" qorynyń Telegram kanalynda jazdy, dep habarlaidy Dalanews.kz.
Holding "Qazaqtelekomnan" "Mobail Telekom-Servis" (Tele2 jáne Altel)kompaniiasyn satyp alýdy josparlap otyr.
"Qazaqtelekom" kompaniialar tobyna kiretin operatorlardyń biri satylatyny týraly aqparat taraǵanyna biraz ýaqyt boldy, biraq bul másele boiynsha naqty sheshim áli jariialanǵan joq.
Osy jyldyń 20 qańtarynda Ekonomikany jańǵyrtý jónindegi memlekettik komissiianyń otyrysynda "Mobail Telekom-Servis" JShS-yn satý týraly sheshim qabyldandy, al keshe Qatarda "Qazaqtelekom", "Samuryq-Qazyna" jáne Power International Holding qol qoiylǵan kelisim aiasynda "MT-S" kapitalyndaǵy 100% úlesti satý boiynsha yntymaqtastyq pen ózara is-qimyl sharttary týraly kelisim jasady.
Qujatqa sáikes, PIH operatordyń biznes profilin jáne qyzmetkerlerin saqtap qalýǵa, kompaniiany qaita satpaýǵa nemese senimgerlik basqarýǵa bermeýge mindettenedi.
"Biz jýyrda kelissózjúrgizýge kiristik, árine, búgingi kelisim tek Power International Holding-pen mámile jasaý týraly nietimizdi aiqyndaidy. Bolashaqta satý jáne satyp alýdyń barlyq sharty men tártibin talqylap, bekitý qajet bolady, sondyqtan naqty tsifrlar men mámile somasy týraly aitýǵa áli erte", - dep atap ótti "Qazaqtelekom" AQ basqarma tóraǵasy Qýanyshbek Esekeev.
