ءوز كەزەگىندە تەلەمامان ءدىني باعدارلامالار قمدب-نا قاراستى «حالىق ارنانىڭ» مەنشىگىندە بولۋى كەرەك ەكەنىن ايتتى.
– «حالىق ارنا» ءپىسىپ، جەتىلىپ، كورەرمەنگە جول تارتىپ جاتقاننان كەيىن، «ەكى كەمەنىڭ باسىن ۇستاعان سۋعا كەتەدى» دەگەن قاعيدانى باسشىلىققا الىپ، «اسىل ارنانىڭ» جۇمىسىن توقتاتۋ تۋراسىندا شەشىم قابىلدادىق. قازىرگى تاڭدا ءدىني اقپاراتتاردىڭ ءبىر بۇلاقتان تارقاعانى ماڭىزدى. وتە نازىك، جاۋاپتى سالا بولعاندىقتان دا، ءبىز ونى ءوز ماماندارىنا، ءىستى يەسىنە قايتارىپ جاتىرمىز. ءبىزدىڭ وتە ۇلكەن اۋديتوريامىز قالىپتاستى، كورەرمەندەرىمىز بار. ولاردى قۋانتاتىن جوبالارىمىز بار، – دەدى ول.
مۇحامەدجان تازابەك تەلەارنا اۋديتورياسىنان بولەك، الەۋمەتتىك جەلىلەردە دە جەكە اۋديتورياسى قالىپتاسىپ ۇلگەرگەنىن تىلگە تيەك ەتتى.
