Óz kezeginde telemaman dinı baǵdarlamalar QMDB-na qarasty «Halyq arnanyń» menshiginde bolýy kerek ekenin aıtty.
– «Halyq arna» pisip, jetilip, kórermenge jol tartyp jatqannan keıin, «eki kemeniń basyn ustaǵan sýǵa ketedi» degen qaǵıdany basshylyqqa alyp, «Asyl arnanyń» jumysyn toqtatý týrasynda sheshim qabyldadyq. Qazirgi tańda dinı aqparattardyń bir bulaqtan tarqaǵany mańyzdy. Óte názik, jaýapty sala bolǵandyqtan da, biz ony óz mamandaryna, isti ıesine qaıtaryp jatyrmyz. Bizdiń óte úlken aýdıtorıamyz qalyptasty, kórermenderimiz bar. Olardy qýantatyn jobalarymyz bar, – dedi ol.
Muhamedjan Tazabek telearna aýdıtorıasynan bólek, áleýmettik jelilerde de jeke aýdıtorıasy qalyptasyp úlgergenin tilge tıek etti.
