«تازا قازاقستان» رەسپۋبليكالىق ەكولوگيالىق اكسياسىنىڭ «كيەلى مەكەن» اپتالىعى اياسىندا وتىرار اۋدانىنداعى تۋريستىك ورىندار كۇل-قوقىستاردان تازارتىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
سەنبىلىككە تۇركىستان وبلىستىق مادەنيەت جانە تۋريزم باسقارماسى مەن «تۇركىستان » تۋريستىك اقپاراتتىق ورتالىعىنىڭ قىزمەتكەرلەرى، حالىقارالىق تۋريزم جانە مەيماندوستىق ۋنيۆەرسيتەتىنىڭ ستۋدەنتتەرى قاتىسىپ، ارىستان باب كەسەنەسى مەن وتىرار قالاشىعىنىڭ اۋماعىندا تازالاۋ جۇمىستارىن جۇرگىزدى.
باسقارما باسشىسىنىڭ ورىنباسارى نۇرداۋلەت مەدەۋوۆ تۇركىستان وڭىرىندەگى تۋريستىك نىسانداردى كوگالداندىرۋ شارالارى تەك ناۋقان بارىسىندا ەمەس، ۇدايى اتقارىلاتىنىن ايتتى. «كيەلى مەكەن» اپتالىعىندا اباتتاندىرۋ جۇمىستارى اقمەشىت ۇڭگىرى، ۇكاش-اتا كەسەنەسى، دومالاق انا كەسەنەسى مەن بۇلاعى، شاعا تۋريستىك-رەكراسيالىق ورتالىعى، سونداي-اق تابيعي اۋماقتاردا وتكىزىلەتىنىن اتاپ ءوتتى.
ازاماتتاردى ەكولوگيالىق اكسيانى قولداۋعا شاقىرامىز! تۋعان ولكەنى ءسۇيۋ - تازالىقتى ساقتاۋ مەن قورشاعان ورتانى قورعاۋدان باستالادى!
