اقسۋ اۋدانىنىڭ اكىمى ەسىم بازارحانوۆتىڭ ايتۋىنشا، اۋداندا ەلباسى مەن پرەزيدەنتتىڭ حالىقتى قولجەتىمدى تۇرعىن ۇيمەن قامتۋ تۋرالى تاپسىرمالارىن ورىنداۋعا باسىمدىق بەرىلگەن. بۇل مىندەتتى جۇزەگە اسىرۋدا «نۇرلى جەر» مەملەكەتتىك باعدارلاماسى ۇلكەن مۇمكىندىك بەردى. سونىڭ ارقاسىندا اقسۋلىقتار مەرەكە قارساڭىندا جاڭا باسپاناعا يە بولدى. ءۇي العاندار قاتارىندا حالىقتىڭ الەۋمەتتىك ءالجاۋاز توپتارىنا جاتاتىن 12 ساناتتاعى ازاماتتار بار. كوپ بالالى انالار، جەتىم بالالار، سول سياقتى اپاتتى ۇيدە تۇراتىندار دا وسى قۋانىشتىڭ ىشىندە. قولدانىسقا بەرىلگەن جالگەرلىك ۇيلەردى «نۇر-قۇرىلىس بولاشاق» ج ش س مەردىگەر ۇيىمى تۇرعىزدى. جوبانىڭ جالپى قۋاتى – 503،9 ملن. تەڭگە.
تاعى ءبىر 60 پاتەرلىك تۇرعىن ءۇي «نۇرلى جەر» باعدارلاماسىمەن كوكسۋ اۋدانىندا سالىنىپ بەرىلدى.
«ەل تاۋەلسىزدىگىنىڭ 30 جىلدى قۇتتى بولسىن! بۇگىن، مىنە، كەزەكتە تۇرعان 60 ازامات «نۇرلى جەر» باعدارلاماسىمەن سالىنعان جاڭا پاتەرلەرگە قول جەتكىزىپ وتىر. بۇل مەملەكەت باسشىسى قاسىم-جومارت كەمەل ۇلى توقايەۆتىڭ حالىقتى تۇرعىن ۇيمەن قامتۋ تۋرالى الدىعا قويعان مىندەتتەرىن ورىنداۋدىڭ ءبىر پاراسى. جاڭا قونىستارىڭىز قۇتتى بولسىن! سىزدەرگە زور دەنساۋلىق، باق-بەرەكە، شاڭىراقتارىڭىزعا شاتتىق تىلەيمىن»، - دەدى كوكسۋ اۋدانىنىڭ اكىمى الماس ءادىل ءۇي كىلتتەرىن تاپسىرۋ سالتاناتىندا. سول سياقتى اۋداندا تاعى 21 جەكە تۇرعىن ءۇيدىڭ جانە 60 پاتەرلى ءۇي سالۋ جوسپارلانىپ وتىرعانىن ايتتى.
وسى كۇنى قاراساي اۋدانىندا دا «ءومىرزاق» تۇرعىن ءۇي كەشەنىندە تانحاۋستاعى 30 جالگەرلىك پاتەر كوپ بالالى وتباسىلارىنا بەرىلدى. سونداي-اق اۋدان اكىمى جانداربەك دالابايەۆ جىل سوڭىنا دەيىن كەزەكتەگى تاعى 50 وتباسى باسپانالى بولاتىنىن جەتكىزدى. بۇل قاتاردا جالگەرلىك تە، نەسيەلىك تە ۇيلەر بەرىلمەك.
سونىمەن قاتار شامالعان اۋىلىندا 30 مەترلىك تۋ تۇعىرى ورناتىلدى، ءبىرقاتار ماڭىزدى نىساندار ىسكە قوسىلدى. جاندوسوۆ اۋىلىندا اۋىلدىق اكىمدىك «Open space» فورماتىندا جۇمىس ىستەي باستادى. «Samruk Kazyna» قورىنىڭ قاتىسۋىمەن ايتەي اۋىلىندا سپورتتىڭ بەلسەندى تۇرلەرىمەن اينالىسۋعا جانە جاستاردى سالاماتتى ءومىر سالتىنا باعىتتاۋعا بارلىق جاعداي جاسالعان كوپ سالالى سپورت كەشەنى سالىنىپ، پايدالانۋعا بەرىلدى.
