– بارشاڭىزدى الدا كەلە جاتقان ەلٸمٸزدٸڭ تەۋەلسٸزدٸك كٷنٸ مەرەكەسٸمەن شىن جٷرەكتەن قۇتتىقتايمىن. بۇل قازاق ەلٸنٸڭ جاھانعا تانىلعان, بارلىق يگٸلٸمٸزدٸڭ باستاۋى بولعان ەڭ باستى مەرەكەمٸز. سٸزدەر وسىنداي ايتۋلى كٷن قارساڭىندا جوعارى ماراپاتقا يە بولىپ وتىرسىزدار. بۇل جەكە ازاماتتار ارقىلى بارشا حالقىمىزدىڭ ٸستەگەن ەرەن ەڭبەگٸنە دەگەن باعا. كەز كەلگەن ەل جۇرتتان ەرەن ٶنەرٸمەن, مەيەكتٸ مەدەنيەتٸمەن ەرەكشەلەنەدٸ. بۇل رەتتە تالانتتى تۋىندى تۇتاس ۇلتتىڭ رۋحاني قازىناسىن بايىتا تٷسەدٸ. وسىعان وراي بٷگٸن ەدەبيەت پەن ٶنەر سالاسىنداعى مەملەكەتتٸك سىيلىقتاردى تاپسىرعالى تۇرمىز. اقوردانىڭ تٶرٸنە جينالعان بارشاڭىز ٷشٸن بۇل ەرەكشە مەرەيلٸ سەت دەپ بٸلەمٸن. قۋانىشتارىڭىز قۇتتى بولسىن, – دەدٸ ەلباسى.
قازاقستان پرەزيدەنتٸ تەۋەلسٸزدٸك كەز كەلگەن ەلدٸڭ باعا جەتپەيتٸن ەڭ قاستەرلٸ قۇندىلىعى بولىپ سانالاتىندىعىن باسا ايتتى. «بٸز ازاتتىقتىڭ ارقاسىندا ايىمىز وڭىنان تۋىپ, تٶرتكٸل دٷنيەگە تٷگەل تانىلعان حالىقپىز. شيرەك عاسىردا ەل ەسٸندە قالاتىن ۇلعان-عايىر ٸستەر اتقاردىق. وسى جىلدارداعى بارلىق جەتٸستٸكتەر ەربٸر قازاقستاندىقتىڭ ەرەن ەڭبەگٸنٸڭ نەتيجەسٸ بولىپ تابىلادى. سونىڭ ٸشٸندە, بٷگٸنگٸ ماراپات يەلەرٸنٸڭ ەرقايسىسىنىڭ بۇعان قوسقان ٷلەسٸ وراسان زور دەپ سانايمىن. سٸزدەر ٶنەگەلٸ ٸستەرٸڭٸزبەن ٶزگەلەرگە ٷلگٸ بولىپ, كٶپشٸلٸك قۇرمەتٸنە بٶلەنٸپ كەلەسٸزدەر», – دەدٸ نازارباەۆ.
