جىل باسىنان بەرى وسكەمەندە 120 جانە 250 ورىندىق ەكى بالاباقشا پايدالانۋعا بەرىلدى. سەمەيدە ونكولوگيالىق اۋرۋلاردى دياگنوستيكالاۋ جانە ەمدەۋ ءۇشىن ەلىمىزدەگى العاشقى يادرولىق مەديسينا ورتالىعى اشىلدى.
ەلوردا كۇنىنە وراي وڭىردە 10 الەۋمەتتىك ماڭىزى بار نىسان اشىلدى. ونىڭ ىشىندە سەمەيدەگى پەريناتالدىق ورتالىقتىڭ ءۇشىنشى پەرزەنتحاناسى، ءۇرجار اۋدانى ماقانشى اۋىلىنداعى 128 ورىندىق بالاباقشا مەن سپورت ءمودۋلى بار.
ۇلان، زايسان، جارما اۋدانىنداعى اۋىل تۇرعىندارى جاڭا پاتەرلەر مەن ۇيلەردىڭ كىلتتەرىن الىپ، قونىس تويىن تويلادى.
قۇرىلىس قارقىنىنىڭ ارتۋىنىڭ ارقاسىندا مەرزىمىنەن بۇرىن ءورت كەزىندە زارداپ شەككەن ريددەر تۇرعىندارىنىڭ ءبىر بولىگى جاڭادان سالىنعان ۇيلەردىڭ كىلتتەرىن الدى.
ازامات مۇحامەدچينوۆ جىل سوڭىنا دەيىن 47 الەۋمەتتىك نىساندى، ونىڭ ىشىندە تۇرعىن ۇيلەردى پايدالانۋعا بەرۋ جوسپارلانىپ وتىرعانىن اتاپ ءوتتى.
سونداي-اق، اقتوعاي تاۋ-كەن بايىتۋ كومبيناتىنىڭ ەكىنشى كەزەگىن ىسكە قوسۋ دا ماڭىزدى وقيعالاردىڭ ءبىرى بولماق. بۇل تاۋەلسىزدىك جىلدارىنداعى ايماقتاعى ەڭ ءىرى ينۆەستيسيالىق جوبا.
