تاۋەلسىزدىك كۇنى كولىگىنە تۋدى ىلگەن جۇرگىزۋشىلەرگە ايىپپۇل سالىنعان، دەپ حابارلايدى Dalanews.kz.
بۇل تۋرالى الەۋمەتتىك جەلىدە ۆيدەولار تارادى.
ەرقانات تاۋكەبايەۆ ەسىمدى facebook قولدانۋشىسىنىڭ سوزىنشە، 47 اۆتوبۋسقا ىلىنگەن قازاقتىڭ تۋىن الماتى پوليسياسى الىپ تاستاعان.
"قۇرمەتتى قازاق جاناشىرلارى، 47 اۆتوبۋس جۇرگىزۋشىسىن قولداپ، قازاق تۋىن ماقتانىش ەتكەن ءۇشىن سىيلىق بەرسەك!"، - دەيدى ول.
سونىمەن قاتار، تاعى ءبىر قازاقستاندىققا كولىگىنە تۋدى ىلگەنى ءۇشىن ايىپپۇل سالىنعان.
بۇل فاكتىلەردىڭ ءمان-جايىن انىقتاۋ ءۇشىن پوليسيا دەپارتامەنتىنەن جاۋاپ بەرۋىن سۇرادق. ازىرگە رەسمي تۇسىنىكتەمە بەرىلمەدى.
ايتا كەتەيىك، بەلگىلى ساراپشى ايبار ولجايەۆ الەۋمەتتىك جەلىدەگى پاراقشاسىندا جۇرگىزۋشىلەرگە تۋ تىككەنى ءۇشىن ايىپپۇل سالىنسا، ونى تولەپ بەرەتىنىن ايتقان بولاتىن.
