ەلىمىز تاۋەلسىزدىككە يە بولعالى بەرى شىعىس قازاقستان وبلىسىندا 147 مەكتەپ سالىنىپ، 38 145 بالاعا ساپالى ءبىلىم بەرۋ مۇمكىندىگى پايدا بولدى. قازىرگى تاڭدا وبلىستا اپاتتىق جاعدايدا تۇرعان مەكتەپتەردىڭ ماسەلەسى تۇبەگەيلى شەشىلگەن. شىعىسقازاقستاندىق وقۋشىلار ساپالى، زامان تالابىنا ساي ءبىلىم بەرۋ مەكەمەلەرىن الاڭسىز ءبىلىم الۋدا.
الداعى 2025 جىلعا دەيىن وبلىس اۋماعىندا تاعى دا 33 مەكتەپ سالۋ جوسپارلانىپ وتىر. وسى رەتتە ءبىلىم بەرۋ سالاسىنا جاۋاپتى ماماندا الداعى ۋاقىتتا سالىناتىن مەكتەپتەردىڭ ءبارى قازاق تىلىندە ءبىلىم بەرەتىنىن ايتۋدا. بۇگىندە وبلىس اۋماعىندا قازاق تىلىندە ءبىلىم بەرەتىن مەكتەپتەرگە دەگەن سۇرانىس وتە جوعارى.
تاۋەلسىزدىك جىلدارى شىعىس قازاقستان وبلىسىندا قازاق تىلىندە ءبىلىم بەرەتىن مەكتەپتەردىڭ ۇلەسى بار بولعانى 28 پايىزدى قۇراسا، ءقازىر جاعداي تۇبىرىمەن وزگەرگەن. ءقازىر وبلىس اۋماعىنداعى قازاق ءتىلدى مەكتەپتەردىڭ ۇلەسى 78 پايىزعا جوعارلاعان.
جىل وتكەن سايىن قازاق مەكتەپتەرىنە دەگەن سۇرانىستىڭ ارتىپ كەلە جاتقانى كوڭىلگە قۋانىش ۇيالاتادى. بۇدان شىعىستىڭ قازاقىلانىپ كەلە جاتقانىن اڭعارۋعا بولادى.
وسى رەتتە سوڭعى جىلدارى وبلىس اۋماعىنداعى تالانتتى بالالارعا ارنالعان گيمنازيا، ليسەيلەر مەن مامانداندىوىلعان مەكتەپتەردىڭ دە قاتارى كوبەيە تۇسكەنىن ايتا كەتۋىمىز كەرەك. وسى رەتتە وڭىردە «نازاربايەۆ زياتكەرلىك مەكتەبىنە» تۇسۋشىلەردىڭ قاتارى كۇرت وسكەنىن اتاپ ايتۋعا بولادى.
