كونفەرەنسيانىڭ نەگىزگى ماقساتى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىنان تۋىنداعان «جاھانداعى الەمدەگى قازاقستاندىق ءمادەنيەت» جوباسىنىڭ اياسىندا شىعىس شەتەلدەرىندەگى قازاقستاننىڭ قازىرگى زامانعى ترانسفورماسيالانۋىنىڭ جاي-كۇيى مەن بولاشاعىن انىقتاۋ.
كونفەرەنسيا جۇمىسىنا رەكتور تاكير بالىقبايەۆ، ءبىرىنشى پرورەكتور ماقتاعالي بەكتەمەسوۆ، عىلىمي جۇمىستار جانە حالىقارالىق ىنتىماقتاستىق جونىندەگى پرورەكتور اقتولقىن قۇلسارييەۆا، وقۋ-ادىستەمەلىك جۇمىستار جونىندەگى پرورەكتور عابيت كەنجەبايەۆ، قازاقستان حالقى اسسامبلەياسى حاتشىلىعىنىڭ مەڭگەرۋشىسى نازار بالعىمبايەۆ، قازاقستان رەسپۋبليكاسىنداعى مىسىر اراب رەسپۋبليكاسى ەلشىلىگى جانىنداعى مادەنيەت جانە ءبىلىم بەرۋ ىستەرى ورتالىعىنىڭ ديرەكتورى، مادەنيەت جانە ءبىلىم بەرۋ جونىندەگى اتتاشە يبراگيم حەمدان، اباي اتىنداعى قازۇپۋ قازاقستان حالقى اسسامبلەياسى كافەدراسىنىڭ مەڭگەرۋشىسى گەورگيي كان، شىعىس تىلدەرى جانە اۋدارما كافەدراسىنىڭ مەڭگەرۋشىسى كنياز ميرزويەۆ، سونىمەن قاتار بەلگىلى شىعىستانۋشى عالىمدار، فيلولوگتار، مادەنيەتتانۋشىلار، ساياساتتانۋشىلار، تاريحشىلار، قازاقستان مەن الىس جانە جاقىن شەتەل مەملەكەتتەرىنىڭ قوعامدىق ۇيىم وكىلدەرى قاتىستى.
كونفەرەنسيانىڭ پلەنارلىق وتىرىسىنىڭ مودەراتورلارى: فيلولوگيا جانە كوپتىلدى ءبىلىم بەرۋ ينستيتۋتىنىڭ ديرەكتورى بالتاباي ابدىگازي ۇلى، شىعىس تىلدەرى جانە اۋدارما كافەدراسىنىڭ مەڭگەرۋشىسى كنياز ميرزويەۆ، شىعىس تىلدەرى جانە اۋدارما كافەدراسىنىڭ پروفەسسورى ايگۇل جۇمابەكوۆا، سوربوننا-قازاقستان ينستيتۋتىنىڭ حالىقارالىق قاتىناستار كافەدراسىنىڭ مەڭگەرۋشىسى جومارت سيمتيكوۆ، شىعىس تىلدەرى جانە اۋدارما كافەدراسىنىڭ دوسەنتى گۇلسىم ءابدراحمانوۆا.كونفەرەنسيانى اشقان رەكتور تاكير بالىقبايەۆ شەت تىلدەرىن مەڭگەرۋدىڭ ماڭىزدىلىعىن اتاپ ءوتتى. اتاپ ايتقاندا، شىعىسپەن ەكونوميكالىق جانە مادەني بايلانىستاردىڭ نىعايۋى ناتيجەسىندە سوڭعى ونجىلدىقتا ەلىمىزدە شىعىس تىلدەرىنە قىزىعۋشىلىق ارتقان، قازاقستان جانە شىعىس ەلدەرىنىڭ ورتاق قىزىعۋشىلىعى ءتىل مەن مادەنيەت ماسەلەسى بولعاندىقتان، بۇل كونفەرەنسيادا تالقىلاناتىن تاقىرىپتاردىڭ ەلىمىزدەگى ءتىل مەن مادەنيەت دامۋىنىڭ كەڭ اۋقىمدى ماسەلەلەرىن شەشۋگە باعىتتالىپ وتىر.
كونفەرەنسيانىڭ پلەنارلىق ماجىلىسىندە قازاقستاننىڭ تاياۋ شىعىستاعى ەلدەرمەن رۋحاني قارىم-قاتىناستارى، تۇركياداعى قازاق ءتىلىن ۇيرەنۋ جايى، قازاق-ازەربايجان تىلدەرى بايلانىستارى، شىعىس ەلدەرىندە قازاقستاننىڭ رۋحاني قۇندىلىقتارىن ناسيحاتتاۋ، قازاق مادەنيەتىن شىعىس شەتەلدەرىندە تانىتۋ قۇرالى رەتىندە اۋدارۋ ماسەلەسى تالقىلاندى.
ريمما جانبايەۆا
