Konferensıanyń negizgi maqsaty Qazaqstan Respýblıkasynyń Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» maqalasynan týyndaǵan «Jahandaǵy álemdegi qazaqstandyq mádenıet» jobasynyń aıasynda Shyǵys shetelderindegi Qazaqstannyń qazirgi zamanǵy transformasıalanýynyń jaı-kúıi men bolashaǵyn anyqtaý.
Konferensıa jumysyna rektor Takır Balyqbaev, birinshi prorektor Maqtaǵalı Bektemesov, ǵylymı jumystar jáne halyqaralyq yntymaqtastyq jónindegi prorektor Aqtolqyn Qulsarıeva, oqý-ádistemelik jumystar jónindegi prorektor Ǵabıt Kenjebaev, Qazaqstan halqy Assambleıasy hatshylyǵynyń meńgerýshisi Nazar Balǵymbaev, Qazaqstan Respýblıkasyndaǵy Mysyr Arab respýblıkasy Elshiligi janyndaǵy mádenıet jáne bilim berý isteri ortalyǵynyń dırektory, mádenıet jáne bilim berý jónindegi attashe Ibragım Hemdan, Abaı atyndaǵy QazUPÝ Qazaqstan Halqy Assambleıasy kafedrasynyń meńgerýshisi Georgıı Kan, shyǵys tilderi jáne aýdarma kafedrasynyń meńgerýshisi Knáz Mırzoev, sonymen qatar belgili shyǵystanýshy ǵalymdar, fılologtar, mádenıettanýshylar, saıasattanýshylar, tarıhshylar, Qazaqstan men alys jáne jaqyn shetel memleketteriniń qoǵamdyq uıym ókilderi qatysty.
Konferensıanyń plenarlyq otyrysynyń moderatorlary: Fılologıa jáne kóptildi bilim berý ınstıtýtynyń dırektory Baltabaı Ábdigazıuly, shyǵys tilderi jáne aýdarma kafedrasynyń meńgerýshisi Knáz Mırzoev, shyǵys tilderi jáne aýdarma kafedrasynyń profesory Aıgúl Jumabekova, Sorbonna-Qazaqstan Instıtýtynyń halyqaralyq qatynastar kafedrasynyń meńgerýshisi Jomart Sımtıkov, shyǵys tilderi jáne aýdarma kafedrasynyń dosenti Gúlsim Ábdrahmanova.Konferensıany ashqan rektor Takır Balyqbaev shet tilderin meńgerýdiń mańyzdylyǵyn atap ótti. Atap aıtqanda, Shyǵyspen ekonomıkalyq jáne mádenı baılanystardyń nyǵaıýy nátıjesinde sońǵy onjyldyqta elimizde shyǵys tilderine qyzyǵýshylyq artqan, Qazaqstan jáne Shyǵys elderiniń ortaq qyzyǵýshylyǵy til men mádenıet máselesi bolǵandyqtan, bul konferensıada talqylanatyn taqyryptardyń elimizdegi til men mádenıet damýynyń keń aýqymdy máselelerin sheshýge baǵyttalyp otyr.
Konferensıanyń plenarlyq májilisinde Qazaqstannyń Taıaý Shyǵystaǵy eldermen rýhanı qarym-qatynastary, Túrkıadaǵy qazaq tilin úırený jaıy, qazaq-ázerbaıjan tilderi baılanystary, Shyǵys elderinde Qazaqstannyń rýhanı qundylyqtaryn nasıhattaý, qazaq mádenıetin Shyǵys shetelderinde tanytý quraly retinde aýdarý máselesi talqylandy.
Rımma Janbaeva
