قىتايلىق عالىمدار تەتتٸ سۋسىنداردى جيٸ ٸشەتٸن ەگدە جاستاعى ادامداردىڭ ەستە ساقتاۋ مەن ويلاۋ قابٸلەتٸنە قاتىستى شاعىمدارى كٶبٸرەك بولاتىنىن انىقتادى, دەپ حابارلايدى dalanews.kz.
زەرتتەۋگە 60 جاستان اسقان 485 ادام قاتىسقان. ماماندار ولاردىڭ گازدالعان سۋسىندار, قاپتاماداعى شىرىندار, تەتتٸ سٷتتٸ شايلار جەنە قانت قوسىلعان باسقا دا سۋسىنداردى قانشالىقتى جيٸ تۇتىناتىنىن تالداعان.
نەتيجەسٸندە تەتتٸ سۋسىنداردى جيٸ ٸشەتٸن قاتىسۋشىلار ەستە ساقتاۋ قابٸلەتٸنٸڭ ەلسٸرەگەنٸن جەنە اقپاراتتى ٶڭدەۋ بارىسىندا قيىندىقتار تۋىندايتىنىن جيٸرەك ايتقان. سونداي-اق مازاسىزدىق, كٶڭٸل-كٷيدٸڭ تٶمەندەۋٸ جەنە اشۋشاڭدىق سيياقتى ەموتسيونالدىق فاكتورلاردىڭ دا كوگنيتيۆتٸك قابٸلەتتەرگە قاتىستى شاعىمداردىڭ ارتۋىمەن بايلانىسى بايقالعان.
دەگەنمەن زەرتتەۋ تەتتٸ سۋسىنداردىڭ ەستە ساقتاۋ قابٸلەتٸن تٸكەلەي ناشارلاتاتىنىن دەلەلدەمەيدٸ. عالىمداردىڭ ايتۋىنشا, بۇل نەتيجەلەر تاماقتانۋ داعدىلارى مەن پسيحوەموتسييالىق جاعدايدىڭ كوگنيتيۆتٸك ٶزگەرٸستەرمەن ٶزارا بايلانىسى بولۋى مٷمكٸن ەكەنٸن كٶرسەتەدٸ.
زەرتتەۋشٸلەر اتالعان بايلانىستى ناقتىراق انىقتاۋ ٷشٸن قوسىمشا عىلىمي جۇمىستار جٷرگٸزۋ قاجەت ەكەنٸن اتاپ ٶتتٸ.
