Qytailyq ǵalymdar tátti sýsyndardy jii ishetin egde jastaǵy adamdardyń este saqtaý men oilaý qabiletine qatysty shaǵymdary kóbirek bolatynyn anyqtady, dep habarlaidy dalanews.kz.
Zertteýge 60 jastan asqan 485 adam qatysqan. Mamandar olardyń gazdalǵan sýsyndar, qaptamadaǵy shyryndar, tátti sútti shailar jáne qant qosylǵan basqa da sýsyndardy qanshalyqty jii tutynatynyn taldaǵan.
Nátijesinde tátti sýsyndardy jii ishetin qatysýshylar este saqtaý qabiletiniń álsiregenin jáne aqparatty óńdeý barysynda qiyndyqtar týyndaitynyn jiirek aitqan. Sondai-aq mazasyzdyq, kóńil-kúidiń tómendeýi jáne ashýshańdyq siiaqty emotsionaldyq faktorlardyń da kognitivtik qabiletterge qatysty shaǵymdardyń artýymen bailanysy baiqalǵan.
Degenmen zertteý tátti sýsyndardyń este saqtaý qabiletin tikelei nasharlatatynyn dáleldemeidi. Ǵalymdardyń aitýynsha, bul nátijeler tamaqtaný daǵdylary men psihoemotsiialyq jaǵdaidyń kognitivtik ózgeristermen ózara bailanysy bolýy múmkin ekenin kórsetedi.
Zertteýshiler atalǵan bailanysty naqtyraq anyqtaý úshin qosymsha ǵylymi jumystar júrgizý qajet ekenin atap ótti.
