رەسەيلىك ساياساتتانۋشى، عالىم، شىعىستانۋشى ەۆگەنيي ساتانوۆسكيي تاتارستان مەملەكەتتىك كەڭەسىنىڭ دەپۋتاتتارى بارلىق سۋبەكتىلەردىڭ باسشىلارىن پرەزيدەنت ەمەس، وبلىس باسشىسى دەپ اتاۋعا مىندەتتەيتىن فەدەرالدىق زاڭ جوباسىنا قارسى داۋىس بەردى دەگەن حابارلاماعا قاتىستى پىكىر ءبىلدىردى.

"سايكەسىنشە، رەسەيدە ازىرگە ەكى پرەزيدەنت بولادى. ءبىرى – بۇكىل رەسەيدىڭ، ەكىنشىسى – تاتارستاننىڭ"، – دەدى ساتانوۆسكيي ءوزىنىڭ Telegram-ارناسىندا. ەگەر رەسەي كسرو سياقتى اۋماقتىق قۇرىلىمداردىڭ شەكاراسىندا ىدىراسا تاتارستان ءبىر ساتتە جەكە ەلگە اينالادى دەپ قوستى.

ونىڭ ايتۋىنشا، تاتارستاندا مۇناي، ونەركاسىپ، اۋىل شارۋاشىلىعى بار، بارلىعى حالىققا ساي، ال قازان سوڭعى كەزدەرى تاۋەلسىز مەملەكەتتىڭ استاناسىنا قاتتى ۇقسايدى. ساتانوۆسكيي تاۋەلسىز ەل بولعىسى كەلەتىنىن مۇنىڭ ءوز اقشاڭدى، ءتولقۇجاتىڭدى شىعارۋعا مۇمكىندىك بەرەتىندىگىمەن، ال ساعان باستىق جوقتىعىمەن ءتۇسىندىردى.

"قاراپايىم ادامي تىلمەن ايتساق، بۇل مۇلدەم باسقا سەزىمدەر"، – دەپ جازادى رەسەيلىك ساياساتتانۋشى. سونىمەن قاتار، ول كەنەتتەن بۇل ورىن السا، تاريحشىلار قاجەت نارسەنىڭ ءبارىن اقتايدى، ساياساتكەرلەر جاڭا ساپاعا تەز ۇيرەنەدى، ال جۋرناليستەر ۇگىت-ناسيحاتتىق بازانى جاسايدى.

"پرەزيدەنت مارتەبەسى بولاشاقتا ونىڭ ءبىر ەلدەن بولىنۋىنەن باسقا نارسە ءۇشىن قاجەت ەكەنى ءتىپتى كىرپىگە دە تۇسىنىكتى. بۇل باسقاشا بولۋى مۇمكىن ەمەس"، – دەپ اتاپ كورسەتەدى ساتانوۆسكيي.

"دەمەك، وعان تاتارستان پرەزيدەنتىنىڭ مارتەبەسى ءالى دە پايدالى بولادى. بۇل وتە جاقىن ارادا مۇمكىن"، – دەپ قوستى ول.

كەرىمسال جۇباتقانوۆ، 

قازاق-ورىس حالىقارالىق ۋنيۆەرسيتەتىنىڭ دوسەنتى، تاريح عىلىمدارىنىڭ كانديداتى

 

تاعى وقىڭىز:

https://dalanews.kz/ekonomika/69383-fridom-finans-samuryq-qazyna-aq-e