ٶزٸنٸڭ قولىنا تٷسٸرگەن اقيىقتىڭ بابىن جاراتىپ, ونىڭ كيەلٸ قۇس ەكەنٸن ايتىپ وتىرادى. كٷندەردٸڭ بٸر كٷنٸ ايداھار ويانىپ, جەر-كٶكتٸ زٸلزالا ەتٸپ, تاۋ باسىن جارىپ شىعادى. اينالانى تٷنەك باسىپ, قاراڭعىلىق جايلايدى. اۋىلدى داۋىل تەربەپ, جۇرتتى ٷرەي بيلەيدٸ. اقساقالدىڭ زەرە-قۇتى قاشىپ, قۇبىجىقتىڭ ويانعانىن سەزەدٸ. بۇدان قالاي قۇتىلارىن بٸلمەگەن بٷركٸتشٸ تەك اقيىعىنا سەنەدٸ. وسى شاقتا قىران قۇس كٶككە كٶتەرٸلٸپ, تاۋعا قاراي زاۋلايدى. وت شاشقان ايداھاردى التىن تەگەۋٸرٸنٸمەن كٶزٸن قوس كٶزٸن اعىزىپ, ٶلتٸرەدٸ دە, اۋىلدى امان-ەسەن ساقتاپ قالادى. اسىلى, ەل اراسىندا مۇنداي اڭىز دا بار. مۋلتفيلمگە جاڭادان سيۋجەت ٸزدەگەننەن گٶرٸ, حالىق اراسىنداعى رۋحاني ەڭگٸمەلەردٸ, اڭىز-ەفسانالار مەن ەرتەگٸ-ميف كەيٸپكەرلەرٸن تٸرٸلتسەك, ۇتپاساق, ۇتىلماسىمىز انىق. «تاستٷلەكتٸڭ» سوڭى قامىرىقتى مۇڭمەن اياقتالادى. بٸر كەبٸستٸ بٸر كەبٸسكە كيدٸرٸپ, جولىنداعىنىڭ بەرٸن ۇرلاپ-جىرلاپ قۇمار بٸرەۋ قۇسبەگٸ ٶلٸپ, ونىڭ اسىنا سويىلعان اتىنىڭ قازىسىنا توياتتاۋعا كەلگەن اقيىقتىڭ قاسىنا بارىپ, التىن تەگەۋٸرٸنٸن جۇلىپ الادى. ادامداردىڭ وپاسىزدىعىنا, ساتقىندىعىنا تٶزبەگەن قىران زاۋ كٶككە سامعاپ, قۇسبەگٸنٸڭ مولاسىنا سوعىلىپ ٶلەدٸ. قىراننىڭ تەكتٸلٸگٸ جانارعا جاس ٷيٸرەرلٸكتەي.
بۇعان دەيٸن دە بٸرنەشە قازاق مۋلتفيلمٸن كٶرگەنبٸز. سوڭعى جىلدارى بۇل سالادا ازداپ بولسا دا جاندانۋ بايقالادى. ٶكٸنٸشتٸسٸ, كٶبٸنٸڭ كەسٸبيلٸگٸ جوق. تاپسىرىسپەن اسىعىس جاسالعان دٷنيەلەر ەكەنٸ, تەندەر الىپ, قازاق ەرتەگٸلەرٸ مەن باتىرلارىنىڭ وبرازدارىن شالاجانسار دٷنيەگە اينالدىرعانى جاندى اۋىرتادى. ال مىنا مۋلتفيلم كەسٸبيلٸگٸمەن دە, كٶركەمدٸك دەڭگەيٸمەن دە ەلدٸڭ كٶز قۋانىشىنا اينالارىنا شٷبەسٸز سەنەمٸز. ەگەر دەل وسى جاستار بۋىنىن قولداپ, تولىق مەتراجدى مۋلتفيلم تٷسٸرۋگە جاعداي جاسار بولسا, ەلٸ-اق قازاق مۋلتيفيكاتسيياسىنىڭ كٶكجيەگٸ كەڭەيە تٷسەر ەدٸ. نەبارى 23 مينۋتتىق «تاستٷلەكتٸڭ» ٶزٸندە قات-قابات جەلٸلەر, وقيعالىق شتەلەنٸس, كەيٸپكەرلەر مٸنەزٸ مەن بولمىسى سەتتٸ سومدالعانىنا تەنتٸ بولماي تۇرا المايسىز. بٸز «تاستٷلەكتٸڭ» وقيعا ٶرٸمٸن تۇتاستاي قامتۋدى قالامادىق, مۇنداي جاڭا دٷنيەلەردٸ حالىق ٶز كٶزٸمەن كٶرٸپ, ونداعى ەربٸر دەتالعا جٸتٸ نازار اۋدارعانى ابزال.
ت. ٶسكەنباي.
«بالاپان» تەلەارناسى قازاق بالالارىنىڭ مەدەني تانىمىن, وي ٶرەسٸن, قازاقى مٸنەزٸن قالىپتاستىرۋعا كٷش سالاتىن بٸردەن بٸر ارنا بولعاندىقتان, «قازاقفيلمنٸڭ» ەربٸر مۋلتيrتەرٸن كەڭٸرەك ناسيحاتتاعانى ابزال. «تاستٷلەك» كٶگٸلدٸر ەكران ارقىلى كٶرەرمەنگە تەزٸرەك جول تارتسا, بٷگٸنگٸ قازاق مۋلتفيلمٸنٸڭ دامۋ باعدارىنىڭ ٶسكەندٸگٸنە جۇرتتىڭ كٶزٸ جەتەر ەدٸ. بىلتىر دايىن بولعان «تاستٷلەكتٸڭ» ەكرانعا جول تارتپاي, تارتپادا جاتقاندىعى تٷسٸنٸكسٸز...
https://www.youtube.com/watch?v=ix7rvj5V15k
