– ءبىز تالدىقورعاندا بيلياردتان رەسپۋبليكالىق ءتۋرنيردى ەكىنشى جىل قاتارىنان وتكىزىپ وتىرمىز. قاتىسۋشىلار سانىنىڭ ارتىپ كەلە جاتقانى ءبىزدى قۋانتادى. بيىلعى جىلى كوماندالار سانى 13-كە جەتتى. الداعى ۋاقىتتا تۋرنير حالىقارالىق دەڭگەيگە كوتەرىلىپ، بيليارد سپورتىن جاقسى كورەتىن جانداردى بىرىكتىرۋگە ۇلەس قوسادى دەپ ويلايمىن. قاتىسۋشىلاردىڭ بارلىعىنا وبلىس تۇرعىندارى اتىنان العىس ايتىپ، ويىندا ساتتىلىك تىلەيمىن، – دەدى ا. باتالوۆ.
تۋرنيرگە قاتىسۋشىلار مەن قوناقتاردى «الەم قىراندارى» بيلياردشىلار قاۋىمداستىعىنىڭ پرەزيدەنتى، ق ر ەڭبەك سىڭىرگەن قايراتكەرى، جازۋشى سادىبەك تۇگەل قۇتتىقتاپ، بيليارد سپورتىن دامىتۋعا قوسقان ۇلەسى ءۇشىن وبلىس اكىمى اماندىق باتالوۆقا «قۇرمەتتى بيلياردشى» قۇرمەتتى وردەنىن تاقتى.
سالتاناتتى شارادان كەيىن ءتۋرنيردىڭ قاتىسۋشىلارى مەن قوناقتارى بيليارد زالىندا ءتۋرنيردى باستاپ كەتتى.
اتاپ وتسەك، بيىلعى جىلى جارىسقا نۇر-سۇلتان، الماتى، شىمكەنت قالالارى مەن الماتى جانە شىعىس قازاقستان وبلىستارىنان 13 كوماندا ب ا ق سىنايدى.
جارىستار «جاستار» سپورت سارايىنداعى بيليارد زالىندا، «ەليت» جانە «ايسەر» بيليارد كلۋبتارىندا 14 قىركۇيەككە دەيىن جالعاسادى.
الماتى وبلىسى اكىمىنىڭ باسپا ءسوز قىزمەتى
