ٷش كٶلٸكپەن ساپارعا شىققان 10 ازامات 18-شٸ عاسىرداعى «كٶكشەتاۋ-اقمولا-ۇلىتاۋ-تٷركٸستان» كەرۋەن جولىمەن مىڭداعان شاقىرىم جول جٷرٸپ, قازاق دالاسىنىڭ تاريحىن زەرتتەگەن. تٷركٸستان وبلىسى ەكٸمدٸگٸندە ٶتكەن جيىندا جوبا جەتەكشٸسٸ مۇرات قاجى ىدىرىسۇلى بۇل ٸس-شارانىڭ ماقساتى تۋرالى كەڭٸنەن ايتىپ بەردٸ.
جيىندا ەكسپەديتسييانىڭ ٶزگە قاتىسۋشىلارى دا تاريح, ٶلكەتانۋ جٶنٸندە كەلەلٸ ويلارىن ايتىپ, تٷركٸستان قالاسىنىڭ بولاشاعى جارقىن بولاتىنىنا سەنٸمدەرٸن بٸلدٸردٸ. ٶز كەزەگٸندە ق.ا.ياساۋي اتىنداعى حقتۋ-نٸڭ وقىتۋشىسى گاۋحار پٸرٸمبەتوۆا ابىلاي حاننىڭ قارا جولى سولتٷستٸك پەن وڭتٷستٸكتٸ بايلانىستىرعان ەڭ تٶتە جول بولعاندىعىن جەتكٸزدٸ.
– حان ونى ساياسي جەنە ەكونوميكالىق مٷددەدە پايدالانعان. جالپى ابىلايعا قاتىستى «ابىلايدىڭ قارا جولى», «ابىلايدىڭ قارا قوسى» دەگەن ۇعىمدار كٷنٸ بٷگٸنگە دەيٸن ۇرپاقتار ساناسىندا جاڭعىرا وتىرىپ جەتكەن. «قارا» دەگەن سٶزدٸڭ ٶزٸ قازاق تٸلٸندە «قاسيەتتٸ», «كٶنە», «ٷلكەن», تاعى باسقا ماعىنالاردى بەرەتٸنٸن ەسكەرسەك, «ابىلايدىڭ قارا جولى» تٸركەسٸنٸڭ ماعىناسىن – جالپىعا مەلٸم داڭعىل كەرۋەن جولى دەپ تٷسٸنۋگە بولادى, – دەپ اتاپ كٶرسەتتٸ ول.
وسى ەكسپەديتسييادا اياسىندا توپوگرافييالىق كارتا دايىندالماق. ال, ساپاردان سوڭ كٶكشەتاۋدا رەسپۋبليكالىق عىلىمي-تەجٸريبەلٸك كونفەرەنتسييا ٶتكٸزۋ جوسپارلانىپ وتىر.
تٷركٸستان وبلىسى ەكٸمٸنٸڭ باسپاسٶز قىزمەتٸ
