چەمپيوناتتى حالىقارالىق جەنە قازاقستان شاحمات فەدەراتسييالارى ۇيىمداستىرادى. باس سەرٸكتەس جەنە باستى دەمەۋشٸ «Freedom Holding Corp». شارا ماڭعىستاۋ وبلىسى ەكٸمدٸگٸنٸڭ قولداۋىمەن ٶتۋدە.
چەمپيونات ەكٸ كاتەگورييا بويىنشا ٶتەدٸ: 12 جاسقا دەيٸنگٸ جەنە 18 جاسقا دەيٸنگٸ. 50 ەلدەن 300-گە جۋىق قاتىسۋشى كەلەدٸ دەپ كٷتٸلۋدە. اقتاۋعا الىستان ات ارىتىپ, پەرۋ, ماداگاسكار, سان-تومە جەنە پرينسيپيدەن قاتىسۋشىلار كەلەدٸ. چەمپيوناتتىڭ گەوگرافيياسى شىنىمەن دە ەسەرلٸ: تٶرت قۇرلىقتىڭ مەكتەپ وقۋشىلارى ٶز مەكتەبٸنٸڭ جەنە ەلٸنٸڭ نامىسىن قورعاۋعا, ەلەم چەمپيونى اتاعى ٷشٸن كٷرەسۋگە جەنە ەلەمنٸڭ ەر تٷكپٸرٸنەن جاڭا دوستار تابۋ ٷشٸن اقتاۋعا اعىلادى. مىسالى, تۋرنيردە بار بولعانى 68 مىڭعا جۋىق ادام تۇراتىن كايمان ارالدارىنىڭ تۇرعىندارىمەن تانىسۋعا بولادى (سالىستىرمالى تٷردە بۇل تٸپتٸ جەزقازعان قالاسىنىڭ تۇرعىندارىنىڭ سانىنان دا از).
چەمپيوناتتا قازاقستاننىڭ نامىسىن 6 قالادان 10 مەكتەپ قورعايدى:
- IT مەكتەپ-ليتسەيٸ, اقتاۋ ق.;
- ن.ماراباەۆ اتىنداعى №7 مەكتەپ-ليتسەيٸ, اقتاۋ;
- م.گاندي اتىنداعى №92 مامانداندىرىلعان ليتسەيٸ, الماتى;
- رەسپۋبليكالىق فيزيكا-ماتەماتيكا مەكتەبٸ, الماتى;
- الماتى قالاسى فيزيكا-ماتەماتيكا باعىتىنداعى نازارباەۆ زيياتكەرلٸك مەكتەبٸ;
- №72 مەكتەپ-ليتسەيٸ, استانا قالاسى;
- رەسپۋبليكالىق فيزيكا-ماتەماتيكا مەكتەبٸ, استانا ق.;
- اتىراۋ وبلىستىق “بٸلٸم-يننوۆاتسييا” ليتسەي-ينتەرناتى;
- دارىندى بالالارعا ارنالعان № 8 ليتسەي-مەكتەبٸ, پاۆلودار ق.;
- و.جولداسبەكوۆ اتىنداعى №9 IT ليتسەيٸ, شىمكەنت ق.
وقۋشىلار چەمپيوناتتى اسىعا كٷتۋدە, شەتەلدٸك قوناقتاردى قارسى الۋعا دايىن جەنە ويىننىڭ جوعارى دەڭگەيٸن كٶرسەتۋ ٷشٸن قىزۋ دايىندىق ٷستٸندە. كوماندالاردىڭ تيٸمدٸ دايىندىعى ٷشٸن قازاقستان شاحمات فەدەراتسيياسى چەمپيونات قارساڭىندا بۋرابايدا وقۋ-جاتتىعۋ جيىنىن ۇيىمداستىرادى.
الداعى تۋرنير شاحماتقا دەگەن سٷيٸسپەنشٸلٸكتٸڭ قانشالىقتى شەكسٸز بولا الاتىنىن تاعى دا دەلەلدەي تٷسەدٸ. بۇعان, مىسالى, پاۆلودار مەكتەبٸنٸڭ وقۋشىسى ۆاديم دەركسەننٸڭ اياعىنىڭ سىنعانىنا قاراماستان, كومانداسىن قولايسىز جاعدايدا قالدىرماۋ ٷشٸن اقتاۋعا بارۋعا بەل بۋعانى دەلەل بولا الادى. ال باسقا ەكٸ وقۋشى ٶزدەرٸنٸڭ تۋعان كٷندەرٸن ٷيلەرٸنەن جىراقتا, چەمپيوناتتا ٶتكٸزۋگە دايىن. سولاردىڭ بٸرٸ – شىمكەنت قالاسىنداعى و.جولداسبەكوۆ اتىنداعى №9 IT ليتسەيٸنٸڭ وقۋشىسى – نۇريسلام ايناقۇل. ەكٸنشٸسٸ – مەحيكودان كەلەتٸن ريكاردو گاەل بريتو دە لا و.
بۇل رەتتە, ۇيىمداستىرۋشىلاردىڭ ايتۋى بويىنشا, تۋعان كٷن يەلەرٸ مەن باسقا دا چەمپيونات قاتىسۋشىلارىنا جالىعۋعا تۋرا كەلمەيدٸ. تۋرنيردٸڭ نەگٸزگٸ رەسمي بٶلٸمٸنەن باسقا, قوناقتار ٷشٸن ەكسكۋرسييالىق جەنە ويىن-ساۋىق باعدارلاماسى دايىندالدى.
قوسىمشا:
سالتاناتتى اشىلۋ رەسٸمٸ 4 تامىز كٷنٸ ساعات 11.00-دە قازاقستان حالقى اسسامبلەياسى, دوستىق ٷيٸ, 34-شاعىن اۋدان, 9 مەكەنجايى بويىنشا ٶتەدٸ. تۋرنيردٸڭ ٶزٸ «Halyk Arena» سپورت سارايىندا ٶتەدٸ.
چەمپيوناتتىڭ رەسمي سايتى: https://wstcc2023.fide.com
